شیعہ نیوز: ایران کی سپریم نیشنل سیکیورٹی کونسل کے سیکرٹری میجرجنرل محسن رضائی کا کہنا ہے کہ ایران کے خلاف جنگ امریکی حکومت کو تباہ کرچکی ہے، امریکا مایوس جواری کی طرح ہاتھ پاؤں مار رہاہے۔
محسن رضائی نے کہا کہ امریکا فرضی مذاکرات سے متعلق جعلی خبریں پھیلانا بند کرے اور مغربی ایشیا کے نئے نظام کو تسلیم کرے۔
محسن رضائی نے کہا کہ وقت آگیا ہےکہ ایران کی7 شرائط کے سامنے ہتھیار ڈال دیے جائیں۔
یہ بھی پڑھیں : ایران کے شہر تہران میں علامہ اقبال کو مختلف انداز میں خراج عقیدت پیش کیا گیا
دوسری جانب ایرانی پارلیمنٹ کے اسپیکر اور اعلیٰ مذاکرات کار محمد باقر قالیباف نے خبردار کیا ہے کہ اگر امریکا نے اسرائیل کو ترجیح دینے کی پالیسی ترک نہ کی تو اسے اور اس کے اتحادیوں کو ایک تاریک دور کا سامنا کرنا پڑے گا۔
قالیباف نے کہا کہ اسرائیل امریکا کو ایران کے ساتھ نہ ختم ہونے والی جنگ میں دھکیلنے کے لیے بھرپور کوششیں کر رہا ہے۔
قالیباف نے کہا یہ ایک ایسا دلدل ثابت ہوگا جس سے کوئی بھی امریکی صدر، خواہ وہ موجودہ ہو یا مستقبل کا، ریپبلکن ہو یا ڈیموکریٹ، نکل نہیں سکے گا۔
انہوں نے کہا کہ جب تک واشنگٹن اسرائیل فرسٹ کی سوچ ترک نہیں کرتا، امریکا اور اس کے اتحادی براہ راست ایک تاریک دور کی جانب بڑھتے رہیں گے۔
The post ایران کےخلاف جنگ امریکی حکومت کو تباہ کرچکی ہے، وقت آگیا ہےکہ ایران کی7 شرائط کے سامنے ہتھیار ڈال دیے جائیں: محسن رضائی appeared first on شیعہ نیوز پاکستان.
