شیعہ نیوز: امریکا کے صدر ٹرمپ نے کہا ہے کہ ایران پر دوبارہ حملوں کا امکان کم ہے، جنگ کے خاتمے کے لیے مذاکرات میں مثبت پیش رفت ہو رہی ہے، وائٹ ہاوس میں قطری وزیراعظم سے ملاقات کو مثبت قرار دیتے ہوئے امریکی صدر نے بیان میں کہا ایران کے حوالے سے تفصیلی تبادلہ خیال کیا، دعویٰ کیا کہ قطر، سعودی عرب، اور دیگر خلیجی ممالک موجودہ صورتحال کو برقرار رکھنے کے حق میں ہیں۔۔ دوسرے الفاظ میں، یہ ممالک تاریخ کے سب سے بڑے بحری ناکہ بندی اور آپریشن آئرن گیٹ کے تسلسل کو ترجیح دیتے ہیں۔
قطر کے وزیر اعظم شیخ محمد بن عبدالرحمان بن جاسم آل ثانی کا کہنا ہے کہ کسی معاہدے تک پہنچنے اور خطے میں امن قائم کرنے کے حوالے سے قطر مثبت بات چیت کو اہمیت دیتا ہے۔
یہ بھی پڑھیں : ایران کےخلاف جنگ امریکی حکومت کو تباہ کرچکی ہے، وقت آگیا ہےکہ ایران کی7 شرائط کے سامنے ہتھیار ڈال دیے جائیں: محسن رضائی
دوسری جانب امریکی نشریاتی ادارے کو انٹرویو میں صدر ٹرمپ نے کہا ایران جنگ کو وسعت دینے کی کوئی وجہ نہیں، وہ ایسا کرنے کا ارادہ نہیں رکھتے۔
امریکی صدر نے اعتراف کیا کہ ایران کے خلاف جنگ نے ہمیں نقصان پہنچایا ،ساتھ ہی تہران پر حملوں کا دفاع کرتے ہوئے کہا کہ انہوں نے ایران کو ایٹمی ہتھیار حاصل کرنے سے روکا، تاریخی طور پر یہ درست فیصلہ ہوگا۔ امریکا اس وقت جتنے جنگی ہتھیار اور جنگی طیارے بنا رہا ہے اتنے اس نے اپنی تاریخ میں کبھی نہیں بنائے۔
صدر ٹرمپ نے کہا ایران پر حملہ اس کے جوہری پروگرام کے خاتمےکےلیے کیا، ایران کیخلاف جنگ کے علاوہ بڑھتی فیول کی قیمتیں، اسرائیل مخالف جذبات اور سخت امیگریشن پالیسی بھی وسط مدتی انتخابات میں ری پبلکنز کی ہار کی وجہ بنیں۔
The post ٹرمپ کا ایک اور یو ٹرن، ایران پر دوبارہ حملوں کا امکان کم ہے، ٹرمپ appeared first on شیعہ نیوز پاکستان.
