شیعہ نیوز: امریکی ایوان نمائندگان میں ڈیموکریٹک پارٹی کے اقلیتی رہنما حکیم جیفریز نے ایران کے خلاف جنگ ختم کرنے کا مطالبہ کرتے ہوئے امریکی فوجیوں کے ساتھ عزت و احترام سے پیش آنے پر زور دیا ہے۔
رپورٹ کے مطابق امریکی ایوان نمائندگان میں ڈیموکریٹک پارٹی کے اقلیتی رہنما حکیم جیفریز نے ایران کے خلاف جاری جنگ ختم کرنے کا مطالبہ کیا ہے۔
یہ بھی پڑھیں : مکہ معاہدہ ایران کے ساتھ براہ راست رابطے کا چینل بن سکتا ہے، اسرائیلی میڈیا
تفصیلات کے مطابق نیویارک سے تعلق رکھنے والے حکیم جیفریز نے امریکی بحریہ کے طیارہ بردار بحری جہاز یو ایس ایس ابراہام لنکن پر امریکی فوجیوں کو درپیش نفسیاتی مسائل سے متعلق ایک رپورٹ پر ردعمل ظاہر کرتے ہوئے سوشل میڈیا پر لکھا کہ ان کے محب وطن ملاح عزت اور احترام کے مستحق ہیں، لیکن یو ایس ایس لنکن پر ایسا دکھائی نہیں دے رہا۔
انہوں نے اپنے ملک کی جانب سے ایران کے خلاف جنگی پالیسی ختم کرنے کا مطالبہ کرتے ہوئے کہا کہ اب بہت ہوچکا، ایران کے خلاف ریپبلکنز کی شروع کردہ اس غیر ضروری اور ناکام جنگ کو ختم کریں۔
The post ایران کے خلاف ریپبلکنز کی ناکام جنگ ختم کریں، رہنما ڈیموکریٹک پارٹی appeared first on شیعہ نیوز پاکستان.
