شیعہ نیوز: مجلس وحدت مسلمین کے پارلیمانی لیڈر ایم این اے انجینئر حمید حسین طوری نے لیفٹیننٹ جنرل (ر) و سابق وفاقی وزیر سید جمال سید میاں کے انتقال پر دلی رنج و غم اور افسوس کا اظہار کرتے ہوئے مرحوم کے اہلِ خانہ، لواحقین، معزز سادات اور تمام عقیدت مندوں سے تعزیت و ہمدردی کا اظہار کیا ہے۔
انہوں نے کہا کہ سید جمال سید میاں کا انتقال نہایت افسوسناک سانحہ ہے، جس پر ہر دل رنجیدہ اور ہر آنکھ اشکبار ہے۔ ان کی وفات سے سوگوار خاندان کو جو صدمہ پہنچا ہے، اس میں ہم برابر کے شریک ہیں۔ دکھ اور غم کی اس گھڑی میں ہماری تمام تر ہمدردیاں مرحوم کے اہلِ خانہ اور لواحقین کے ساتھ ہیں۔ کسی عزیز کی جدائی ایک ایسا کٹھن مرحلہ ہے جس کی تلافی ممکن نہیں، تاہم اللہ تعالیٰ کی ذات پر کامل یقین اور صبر و استقامت ہی اس عظیم صدمے کو برداشت کرنے کا ذریعہ ہیں۔
یہ بھی پڑھیں : جبری لاپتہ شیعہ جوان رانا کاظم علی کی فوری بازیابی کیلئےلاہور لائیکورٹ کی تفتیشی افسر کو ہدایات جاری
انجینئر حمید حسین طوری نے دعا کی کہ اللہ رب العزت مرحوم کی کامل مغفرت فرمائے، انہیں اپنی جوارِ رحمت میں اعلیٰ مقام اور جنت الفردوس میں جگہ عطا فرمائے۔ اللہ تعالیٰ تمام پسماندگان، اہلِ خانہ، معزز سادات اور عقیدت مندوں کو صبرِ جمیل، حوصلہ اور یہ صدمہ برداشت کرنے کی توفیق عطا فرمائے۔
آمین یا رب العالمین۔
The post ایم این اے انجینئر حمید حسین طوری کا لیفٹیننٹ جنرل (ر) و سابق وفاقی وزیر سید جمال سید میاں کے انتقال پر گہرے رنج و غم کا اظہار appeared first on شیعہ نیوز پاکستان.
