شیعہ نیوز:تحریکِ تحفظِ آئین پاکستان اور اپوزیشن جماعتوں کا اعلیٰ سطح اجلاس اپوزیشن لیڈر قومی اسمبلی محمود خان اچکزئی کی زیر صدارت ان کی رہائش گاہ پر منعقد ہوا۔
اجلاس میںچیئرمین مجلس وحدت مسلمین پاکستان اور سینیٹ میں قائد حزب اختلاف علامہ راجہ ناصرعباس جعفری سمیت اپوزیشن کی مختلف جماعتوں کے قائدین اور اہم رہنما شریک ہوئے۔
اجلاس میں ،سردار اختر جان مینگل سربراہ بلوچستان نیشنل پارٹی؛ بیرسٹر گوہر خان قائم مقام چیئرمین پاکستان تحریکِ انصاف؛ سلمان اکرم راجہ سیکرٹری جنرل پی ٹی آئی؛ صاحبزادہ حسن رضا قائم مقام چیئرمین سنی اتحاد کونسل؛ سید زین شاہ سربراہ سندھ یونائیٹڈ پارٹی؛ سینیٹر مشتاق احمد خان سربراہ پاکستان رائٹس موومنٹ؛ سینیٹر مصطفیٰ نواز کھوکھر وائس چیئرمین تحریکِ تحفظِ آئین پاکستان؛ محمد زبیر معاشی ترجمان تحریکِ تحفظِ آئین پاکستان؛ ساجد خان ترین سینئر نائب صدر بلوچستان نیشنل پارٹی؛ عمار علی جان سیکرٹری جنرل حقوق خلق پارٹی ، حسین احمد یوسفزئی ترجمان تحریکِ تحفظِ آئین پاکستان؛ اور خالد یوسف چوہدری،لیگل کونسل بانی چیئرمین پاکستان تحریکِ انصاف عمران خان شریک ہوئے۔
یہ بھی پڑھیں : جبری لاپتہ شیعہ جوان رانا کاظم علی کی فوری بازیابی کیلئےلاہور لائیکورٹ کی تفتیشی افسر کو ہدایات جاری
اجلاس میں خیبر پختونخوا میں گورنر راج اور ایمرجنسی کے نفاذ کے معاملے، اس کے نتیجے میں پیدا ہونے والی صورتحال اور ملک کی مجموعی سیاسی صورتِ حال پر غور و خوض کیا گیا جبکہ آئندہ کی سیاسی حکمتِ عملی اور مستقبل کے لائحۂ عمل پر بھی تفصیلی مشاورت ہوئی۔
The post ملکی سیاسی صورتحال، تحریک تحفظ آئین پاکستان کا اعلیٰ سطح اجلاس، چیئرمین ایم ڈبلیوایم اور قائد حزب اختلاف سینیٹرعلامہ راجہ ناصرعباس کی بھی شرکت appeared first on شیعہ نیوز پاکستان.
