اسلام آباد (IRNA) سید کمال خرازی معروف ایرانی سیاست دان اور سفارت کار تھے جنہوں نے آٹھ سالہ مسلط کردہ جنگ کے دوران اسلامک ریپلک نیوز ایجنسی ارنا کے سی ای او کے طور پر اور جنگی پروپیگنڈہ ہیڈ کوارٹر کی خطیر ذمہ داری کے ساتھ اپنے پیشہ ورانہ کیریئر کا آغاز کیا اور بعد ازاں انہیں اقوام متحدہ میں ایرانی مشن کا سربراہ مقرر کیا گیا۔
انہوں صدر سید محمد خاتمی کی حکومت میں وزیر خارجہ کے طور پر آٹھ سال تک اور ایکسپیڈینسی کونسل کے مکمل رکن کی حثیت سے بھی خدمات انجام دیں۔جب کہ 2006 میں رہبر انقلاب اسلامی کے فرمان کے ذریعے، آپ کو مشیر اعلیٰ اور اسٹریٹیجک کونسل کا سربراہ مقرر کیا گیا۔ 2014 میں انہیں، انقلاب کے آغاز اور آٹھ سالہ جنگ کے دوران اپنی زندگی بھر کی ثقافتی سرگرمیوں کی بنا پر تمغہ ” مجاہد میدان فن و ہنر” سے نوازا گیا۔
اس ممتاز ایرانی سفارت کار نے بالآخر یکم اپریل 2026 کو تہران پر امریکی صیہونی جنگ طیاروں کی وحشیانہ بمباری میں شدید زخمی ہونے کے بعد 2 اپریل کو جام شہادت نوش کیا۔
نیوز ایجنسی ارنا ان کے چہلم کے موقع پر،گزشتہ چار عشروں کے دوران اسلامی جمہوریہ نیوز ایجنسی کے فوٹوگرافروں کے ذریعے حاصل کی گئی آرکائیو تصاویر کا ایک مجموعہ شائع کر رہی ہے جن کے ذریعے شہید سید کمال خرازی کی میڈیا، سیاسی اور سفارتی خدمات کی ایک جھلک دیکھی جاسکتی ہے۔
