شیعہ نیوز: باشعورپاکستانیوں کی اکثریت نے سعودی پروپیگنڈہ مسترد کردیا۔ سعودی عرب کی جانب سے مکہ معظمہ پر حملے کیلئے بھیجا گیا یمنی حوثیوں کا ڈرون مار گرانے کا دعویٰ کیا گیا۔ پاکستانی شہریوں نے یک طرفہ دعوے کو مسترد کرتے ہوئے کہا کہ یمنی شہری بھی مسلمان ہیں اور کوئی بھی شہری مکہ شریف پر حملہ تو دور کی بات، حملے کے بارے میں سوچ بھی نہیں سکتا۔ شہریوں کا کہنا ہے کہ آل سعود اپنے آپ کو بچانے کیلئے کعبہ کی آڑ میں چھپ رہے ہیں۔
لاہور میں ہونے والے ایک خصوصی سروے میں محمد رضوان نے کہا کہ کعبہ کی حفاظت کا ذمہ تو خود خدا نے لیا ہوا ہے، آل سعود کا یہ پروپیگنڈہ یہیں دم توڑ گیا کہ کعبہ پر یمنی حملہ کرنا چاہتے تھے، کعبہ پر تو ابراہہ حملہ نہ کر سکا تو کوئی اور کیسے کرے گا۔ الیاس رانا نے کہا کہ آل سعود کا اپنا اقتدار خطرے میں ہے، اس لئے وہ بے بنیاد الزامات لگا رہے ہیں۔ سید ذیشان نے کہا کہ یمنی حوثیوں نے اس کی وضاحت کردی ہے، کہ مکہ پر آنے والا ڈورن انہوں نے نہیں بھیجا تھا۔ تو اس وضاحت کے بعد گنجائش نہیں رہتی کہ سعودی پروپیگنڈہ کو تسلیم کیا جائے۔ روزینہ علی نے کہا کہ یہ ڈرون اسرائیلیوں کا تو ہو سکتا ہے، یمنیوں کا نہیں ہو سکتا۔ یمنی سعودی عرب والوں سے زیادہ بہتر مسلمان ہیں، وہ نہ تو کعبے کی کمائی سے شراب پیتے ہیں، نہ مقدس شہروں میں مجرے کرواتے ہیں اور نہ ہی غیر اسلامی ثقافت کو پروموٹ کرتے ہیں، جبکہ یہ ساری برائیاں آل سعود میں بدرجہ اُتم موجود ہیں۔
صائمہ جعفری نے کہا کہ اب دنیا بہت آگے جا چکی ہے، حقیقت جلد آشکار ہو جاتی ہے، اس لئے سعودی کا جھوٹ کا ڈرامہ نہیں چل سکا، یہاں صرف ریال خور چند مولوی ہی پروپیگنڈہ کر رہے ہیں لیکن پاکستانیوں کی اکثریت حقیقت سے واقف ہے اور سعودی جھوٹ کو مسترد کر چکی ہے۔ شہریوں کا کہنا تھا کہ سعودی عرب کے حکمرانوں کا اپنا اقتدار خطرے میں دکھائی دے رہا ہے تو اب کو جھوٹ کا سہارا لے کر امت مسلمہ کی ہمدردیاں حاصل کر رہے ہیں۔
The post باشعور پاکستانیوں کی اکثریت نے سعودی پروپیگنڈہ مسترد کردیا appeared first on شیعہ نیوز پاکستان.
