شیعہ نیوز: بعض اسرائيلی ذرائع ابلاغ نے بتایا ہے کہ بم دھماکے کی دھمکی کے باعث ایمسٹرڈم سے تل ابیب جانے والے ایک ڈچ طیارے کا روٹ بدل دیا گیا۔
رپورٹ کے مطابق اسرائیلی میڈیا نے بتایا ہے کہ ڈچ فضائی کمپنی (KLM) کا ایک طیارہ، جو ایمسٹرڈم سے تل ابیب جا رہا تھا، بم دھماکے کی دھمکی موصول ہونے کے بعد اپنا راستہ تبدیل کرکے رومانیہ کے دارالحکومت بخارسٹ کی جانب روانہ ہو گیا۔
رپورٹ کے مطابق الاستاد الاخباری ویب سائٹ نے بتایا کہ یہ واقعہ اس وقت پیش آیا جب رومانیہ کی انٹیلی جنس سروس نے اعلان کیا کہ دو طیاروں کو بم دھماکے کی دھمکیاں موصول ہوئی ہیں، جن میں تل ابیب جانے والی ڈچ فضائی کمپنی (KLM) کی فلائٹ بھی شامل ہے۔
یہ بھی پڑھیں : کوہ کلنگ پر حملے کی دھمکیاں ٹرمپ کی بے بسی کا واضح ثبوت ہیں، محمد اسلامی
ان دھمکیوں کے بعد پائلٹوں نے طیارے کی مکمل تلاشی لینے کی اپیل کی جبکہ میلان سے بخارسٹ جانے والی ایک اور فلائٹ کو بھی، جو “ویز ایئر” کی تھی، رکاوٹوں کا سامنا کرنا پڑا۔ اس صورت حال کے نتیجے میں پورے یورپ میں 27 فلائٹس کینسل کر دی گئیں۔
یہ دھمکی یورپ میں مسافر بردار طیاروں کی 27 فلائٹس کے خلاف حالیہ دھمکیوں کے سلسلے کا حصہ ہے، جن کے باعث انھیں غیر متوقع طور پر ہنگامی لینڈنگ کرنی پڑی۔
بم دھماکے کی دھمکیوں کے بعد پورے یورپ میں 12 فلائٹس کے راستے تبدیل کیے گئے۔ یہ واقعہ اسی طرح کے ایک اور واقعے کے صرف دو روز بعد پیش آیا، جس میں برطانیہ کے تین ہوائي جہازوں سمیت 8 طیاروں کو گراؤنڈ کر دیا گیا تھا۔ ان واقعات کو “بڑا فریب” قرار دیا گیا۔
The post بم دھماکے کی دھمکی کے باعث تل ابیب جانے والے ڈچ طیارے کا روٹ بدلا گیا، اسرائيلی میڈیا appeared first on شیعہ نیوز پاکستان.
