شیعہ نیوز: ایمنسٹی انٹرنیشنل نے دعویٰ کیا ہے کہ بھارت اسرائیل کو فلسطینیوں کے خلاف مبینہ نسل کشی میں استعمال ہونے والا اسلحہ، دفاعی پرزے اور گولہ بارود فراہم کرتا رہا ہے۔
ایمنسٹی انٹرنیشنل کے مطابق اکتوبر 2023ء سے نومبر 2025ء کے دوران اسرائیل کو اسلحہ، پرزوں اور گولہ بارود کی مجموعی طور پر 2,596 کھیپیں برآمد کی گئیں۔
یہ بھی پڑھیں : سابق صہیونی حکام کا ٹرمپ کو خط، مغربی کنارے کی صورت حال پر انتباہ
رپورٹ میں کہا گیا ہے کہ بھارت کے نجی فرموں اور سرکاری کمپنیوں نے اسرائیل کی دفاعی صنعت سے وابستہ اداروں، جن میں ایلبٹ سسٹمز اور اسرائیل ایرو اسپیس انڈسٹریز شامل ہیں، کو مختلف دفاعی پرزے فراہم کیے۔
ایمنسٹی انٹرنیشنل نے الزام عائد کیا ہے کہ مذکورہ اسرائیلی دفاعی کمپنیاں بین الاقوامی قانون کے تحت نسل کشی سمیت دیگر سنگین جرائم میں ملوث ہیں۔
مذکورہ الزامات ایمنسٹی انٹرنیشنل کی رپورٹ پر مبنی ہیں، اس خبر کے اجراء تک بھارتی حکومت اور متعلقہ اسرائیلی کمپنیوں کی جانب سے ان الزامات پر کوئی باضابطہ ردعمل سامنے نہیں آیا ہے۔
The post بھارت فلسطین کے خلاف اسرائیل کو اسلحہ اور دفاعی پرزے فراہم کرتا رہا، ایمنسٹی انٹرنیشنل appeared first on شیعہ نیوز پاکستان.
