شیعہ نیوز: انصاراللہ تحریک کے سیاسی دفتر کے اہل کار نے یمن کی ناکہ بندی توڑنے کی کارروائیوں کو جاری رکھنے پر زور دیتے ہوئے، سعودی عرب پر ناکہ بندی کے نتائج سے بھاگنے کی کوششوں کا الزام عائد کیا اور کہا کہ صنعاء تصادم کے دائرے کو وسیع کرنے کے لیے مکمل طور پر تیار ہے۔
یمن کی انصاراللہ تحریک کے سیاسی دفتر کے رکن “ضیف اللہ الشامی” نے المیادین نیٹ ورک سے ایک گفتگو میں کہا ہے کہ سعودی عرب یمن کی ناکہ بندی کے نتائج سے بچنے کی کوشش کر رہا ہے۔
انہوں نے یمن کے محاصرے کے بارے میں صنعاء کے موقف کا ذکر کرتے ہوئے کہا کہ ہم نے ناکہ بندی توڑنے کی کارروائیوں کا اعلان کیا ہے اور اس تصادم میں جہاں تک ضروری ہوگا ہم آگے بڑھنے کے لیے تیار ہیں۔
یہ بھی پڑھیں : صہیونی میڈیا: نیتن یاہو اور زیلنسکی کے درمیان ملاقات کے لیے کوششیں جاری
الشامی نے مزید کہا کہ سعودی عرب لاکھوں یمنی شہریوں پر اپنی سرپرستی مسلط کرنا چاہتا ہے۔
انصاراللہ کے سیاسی دفتر کے رکن نے اردن کی جانب سے یمن کے لیے پروازوں کے آغاز کی پہل کا خیرمقدم کیا اور کہا کہ اس سلسلے میں کوئی بھی دوسری پہل کا صنعاء کی طرف سے خیر مقدم کیا جائے گا۔
انہوں نے قطر کے موقف کا ذکر کرتے ہوئے واضح کیا کہ دوحہ کو یمن کے ردعمل کو سمجھنا چاہیے تھا کیونکہ اس ملک نے بھی پہلے یمن کی طرح سعودی عرب کی جانب سے محاصرے کا تجربہ کیا ہے۔
واضح رہے یمنی مسلح افواج نے زور دیا ہے کہ وہ اپنے ملک کی 12 سالہ ناکہ بندی کے خاتمے تک اپنی کارروائیاں جاری رکھیں گی۔
The post تصادم کے دائرے کو وسیع تر کرنے پر آمادہ ہيں، انصاراللہ appeared first on شیعہ نیوز پاکستان.
