شیعہ نیوز: جرمنی کے وائس چانسلر لارس کلینگ بیل نے ایران کے خلاف امریکی صدر ڈونلڈ ٹرمپ کی جارحانہ جنگ پر تنقید کرتے ہوئے اسے فوری طور پر ختم کرنے اور تہران کے ساتھ سنجیدہ مذاکرات کا مطالبہ کیا۔
رپورٹ نے انادولو ایجنسی کا حوالہ دیتے ہوئے بتایا ہے کہ کلینگ بیل نے جمعے کے روز کہا ہے کہ ٹرمپ یہ سمجھ رہے تھے کہ ایران کے خلاف جنگ ایک دو دن کی بات ہے اور اس کے بعد سب کچھ ٹھیک ہوجائے گا۔
جرمنی کے وائس چانسلر نے کہا کہ ٹرمپ کی ذمہ داری ہے کہ وہ ایران کے خلاف جنگ کے جلد خاتمے کو یقینی بنائيں۔
یہ بھی پڑھیں : اسرائیلی فوجی لبنان میں حزب اللہ کے مجاہدین کا شکار بن رہے ہیں
انہوں نے جرمن چانسلر فریڈرک مرٹز کی جانب سے ایران کے جنگ کے حوالے سے ٹرمپ کی کارکردگی پر تنقید کا دفاع کرتے ہوئے کہا کہ “ہمیں ٹرمپ کے مشورے کی ضرورت نہیں ہے۔
جرمن چانسلر نے پیر کے روز واشنگٹن کو تنقید کا نشانہ بناتے ہوئے کہا تھا کہ امریکہ کے پاس ایران کے ساتھ جنگ سے نکلنے کی کوئی حکمت عملی نہیں ہے اور تہران کے ساتھ بات چیت کے دوران امریکہ “ذلیل” ہوا ہے۔
مرٹز کے تنقید کا جواب دیتے ہوئے ، ٹرمپ نے کہا تھا کہ جرمن چانسلر اتنا بھی نہیں جانتے کہ وہ کس بارے میں بات کر رہے ہیں۔
The post جرمنی: ٹرمپ ایران کے خلاف جنگ ختم کریں، تہران کے ساتھ مذاکرات پر زور appeared first on شیعہ نیوز پاکستان.
