جرمنی کا آبنائے ہرمز میں جہاز رانی کے تحفظ کیلئے اقدامات کا اعلان

شیعہ نیوز: جرمنی چانسلر فریڈرک مرز نے کہا ہے کہ جرمنی آبنائے ہرمز میں جہاز رانی کی آزادی کو یقینی بنانے کے لیے مناسب اقدامات کرے گا۔

غیر ملکی میڈیا رپورٹس کے مطابق جرمنی نے امریکہ اور ایران کے درمیان دو ہفتوں کی عارضی جنگ بندی کا خیرمقدم کیا اور معاہدے میں پاکستان کے کردار کو سراہا۔

یہ بھی پڑھیں : امریکہ ایران کے ساتھ قریبی طور پر کام کرے گا، ڈونلڈ ٹرمپ

انہوں نے کہا کہ یہ جنگ بندی دیرپا امن کی جانب ایک اہم پہلا قدم ثابت ہونی چاہیے۔

انہوں نے معاہدے میں کردار ادا کرنے پر پاکستان کا شکریہ ادا کیا اور کہا کہ آئندہ دنوں میں ہدف یہ ہونا چاہیے کہ سفارتی ذرائع کے ذریعے جنگ کا مستقل خاتمہ یقینی بنایا جائے۔

انہوں نے مزید کہا کہ جرمنی سفارتی کوششوں کی حمایت کرتا ہے اور امریکہ اور دیگر شراکت داروں کے ساتھ قریبی رابطے میں ہے۔

The post جرمنی کا آبنائے ہرمز میں جہاز رانی کے تحفظ کیلئے اقدامات کا اعلان appeared first on شیعہ نیوز پاکستان.

​