شیعہ نیوز: امریکی صدر ڈونلڈ ٹرمپ کا کہنا ہے کہ امریکہ ایران کے ساتھ قریبی طور پر کام کرے گا، ہم ایران کے ساتھ محصولات اور پابندیوں پر بات کر رہے ہیں اور کریں گے۔
اپنے بیان میں ڈونلڈ ٹرمپ نے کہا کہ ایران کے بارے میں یہ طے کیا گیا ہے وہاں نہایت مؤثر نظام حکومت کی تبدیلی ہوگی، ایران میں یورینئم افزودگی نہیں ہوگی، امریکہ ایران کے ساتھ مل کر زمین میں دفن تمام نیوکلیئر ڈسٹ نکال کر ختم کرے گا۔
یہ بھی پڑھیں : جنگ ختم نہیں ہوئی یہ صرف وقفہ ہے، ایران کا سخت انتباہ کے ساتھ فوج کو جنگ بندی کا حکم
ڈونلڈ ٹرمپ نے مزید کہا کہ یہ معاملہ اب بھی اور پہلے بھی سیٹلائٹ کی انتہائی سخت نگرانی میں رہا ہے، 15نکات میں سے بہت سے پہلے ہی طے ہو چکے ہیں۔
امریکی صدر نے کہا کہ وہ ممالک جو ایران کو فوجی ہتھیار فراہم کریں گے، ان پر فوری ٹیرف عائد ہوگا، ایران کو ہتھیار فراہم کرنے والے ممالک پر 50 فیصد ٹیرف فوری نافذالعمل ہوگا، ٹیرف ان تمام اشیا ہر ہوگا جو امریکہ کو فروخت کی جاتی ہیں، اس میں کسی قسم کی کوئی رعایت یا استثنیٰ نہیں ہوگا۔
The post امریکہ ایران کے ساتھ قریبی طور پر کام کرے گا، ڈونلڈ ٹرمپ appeared first on شیعہ نیوز پاکستان.
