شیعہ نیوز: یمن کی جانب سے میزائل داغے جانے کی اطلاعات کے بعد ابہا اور خمیس مشیط میں کئی دھماکوں کی آوازیں سنی گئیں، جبکہ چار علاقوں میں ہنگامی الرٹ جاری کر دیا گیا۔
رپورٹ کے مطابق عرب ذرائع ابلاغ نے جنوبی سعودی عرب کے مختلف علاقوں میں ہنگامی صورت حال کی خبر دی ہے۔ اطلاعات کے مطابق یمن سے میزائل داغے جانے کے بعد ابہا اور خمیس مشیط میں کئی دھماکوں کی آوازیں سنی گئی ہیں۔
دوسری جانب سعودی سول ڈیفنس نے خمیس مشیط، نجران، جازان اور ابہا میں ابتدائی انتباہی نظام فعال کیے جانے کی اطلاع دی ہے۔
یہ بھی پڑھیں : شام، ایندھن کی قیمتوں میں اضافے پر شدید احتجاج، سڑکیں بند
مقامی ذرائع ابلاغ نے بتایا ہے کہ ان علاقوں میں الرٹ سسٹم بیک وقت اور مسلسل فعال ہوئے، جبکہ ابہا اور خمیس مشیط میں دوسری مرتبہ خطرے کا انتباہ جاری کیا گیا۔
ابہا اور خمیس مشیط میں حملوں کے پیش نظر خطرے کے سائرن بجنے کی اطلاعات سامنے آئی ہیں۔
سعودی عرب کے باخبر ذرائع کے مطابق خمیس مشیط میں خطرے سے آگاہ کرنے کے لیے ابتدائی انتباہی نظام فعال کیا گیا۔
الجزیرہ کے مطابق ابہا شہر میں خطرے کے اعلان کے لیے یہی نظام فعال ہوا جبکہ ذرائع نے مزید بتایا کہ خمیس مشیط میں بھی ابتدائی انتباہی نظام فعال کیا گیا ہے۔
بعض ذرائع کے مطابق یمنی مسلح افواج نے سعودی عرب میں ایک فضائی اڈے کو میزائل حملے کا نشانہ بنایا ہے۔
The post جنوبی سعودی عرب میں دھماکوں کی آوازیں، الرٹ سسٹم فعال appeared first on شیعہ نیوز پاکستان.
