شیعہ نیوز: لبنانی ذرائع نے ملک کے جنوبی علاقوں پر اسرائیلی فوج کی گولہ باری کی اطلاع دی ہے۔
رپورٹ کے مطابق لبنانی میڈیا نے بتایا ہے کہ اسرائیلی فوج نے جنگ بندی معاہدے کی مسلسل خلاف ورزی کرتے ہوئے آج صبح جنوبی لبنان کے علاقے زبقین کو توپ خانے سے نشانہ بنایا۔
المیادین ٹی وی نے جنوبی لبنان کے شہر طائر کے المنصوری قصبے پر اسرائیلی فوج کے توپ خانے کے حملے کی بھی اطلاع دی۔
تاحال ان حملوں سے ہونے والے ممکنہ جانی یا مالی نقصان کے بارے میں کو اطلاع نہیں ملی۔
یہ بھی پڑھیں : مہنگائی/ سیاسی لیڈر کی رہائی کے لئے احتجاج پر خاموشی، جلوسِ عزا پر ٹریفک کا شور کیوں؟
اس سے قبل لبنان کی قومی خبر رساں ایجنسی نے اطلاع دی تھی کہ لبنانی فوج صہیونی دشمن کے حالیہ فضائی حملوں کے نتیجے میں بند ہونے والی سڑکیں کھولنے اور دشمن کی جارحیت کی وجہ سے اپنے گھر بار چھوڑنے پر مجبور ہونے والے باشندوں کی بحفاظت واپسی یقینی بنانے کے لیے رات کے وقت شہر طائر کے المنصوری قصبے میں داخل ہوئی ہے۔
یہ حملے ایک ایسے وقت میں ہوئے ہیں جب جنوبی لبنان کو حالیہ ہفتوں کے دوران بار بار اسرائیلی جارحیت اور حملوں کا سامنا کرنا پڑا ہے، جسے بیروت نے جنگ بندی معاہدے اور لبنان کی ارضی سالمیت خلاف ورزی قرار دیتے ہوئے اس کی مذمت کی ہے۔
لبنانی حکومت کے ساتھ معاہدے کے باوجود اسرائیلی فوج جنگ بندی کی مسلسل خلاف ورزی کر رہی ہے اور اس نے لبنان کے بعض علاقوں پر ناجائز قبضہ بھی کر رکھاہے۔
لبنان اور اسرائیل نے امریکہ کی ثالثی کے ساتھ ایک “فریم ورک معاہدے” پر دستخط کیے تھے جس کا مقصد صیہونی حکومت اور حزب اللہ کے درمیان جنگ ختم کرنا بتایا گيا تھا۔
ناقدین کا کہنا ہے کہ معاہدے کی قانونی حیثیت میں ابہام پایا جاتا ہے اور اس میں لبنان سے اسرائیلی فوجیوں کے انخلا کا کوئی واضح نظام الاوقات بھی شامل نہیں ہے۔
The post جنوبی لبنان پر اسرائیلی فوج کی گولہ باری appeared first on شیعہ نیوز پاکستان.
