شیعہ نیوز: خیرپور میں کالعدم تکفیری جماعت کی ریلی اور اس کے نتیجے میں ہونے والا تشدد، انتظامیہ کی نااہلی کا منہ بولتا ثبوت ہے۔ یہ واقعہ اس عزم کو چیلنج کرتا ہے جو محرم الحرام کے دوران امن و امان کو یقینی بنانے کے لیے کیا گیا تھا۔
علامہ باقر زیدی، ترجمان جعفریہ الائنس نے ان واقعات کی شدید مذمت کرتے ہوئے کہا کہ صوبہ سندھ بھر میں محرم کے ایام میں ہزاروں مجالس اور عشرے منعقد ہوئے، مگر کہیں بھی امن و امان کا کوئی مسئلہ درپیش نہیں آیا۔ تاہم، 11 محرم کو خیرپور میں اسی کالعدم جماعت نے ریلی نکال کر عزاداروں کے گھروں پر حملے کیے، خواتین پر تشدد کیا، اور سبیل امام حسین (ع) کو نقصان پہنچایا۔ یہ تمام کارروائیاں انتظامیہ کی ناک کے نیچے ہوئیں، مگر وہ انہیں روکنے میں مکمل طور پر ناکام رہی۔
انہوں نے مزید کہا کہ کراچی کے علاقے ملیر میں عاشورہ کے جلوس کے دوران بھی اسی کالعدم جماعت کی جانب سے اشتعال انگیزی کی گئی۔
یہ واقعات اس بات کا واضح ثبوت ہیں کہ سندھ حکومت اور سیکیورٹی ادارے ان دہشت گرد عناصر کو لگام دینے میں ناکام ہو رہے ہیں۔
یہ بھی پڑھیں : ڈیرہ غازی خان ، مفتی منظور کی معذور بچی کے ساتھ زیادتی ، بچی حاملہ ہوگئی
انہوں نے خبردار کیا کہ تکفیری آئیڈیالوجی ملک پاکستان کے امن و امان کے لیے شدید خطرہ بن رہی ہے، اور یہی سوچ کراچی میں رینجرز ڈپو پر حملے کی بھی ذمہ دار ہے۔
انہوں نے کہا کہ خوارج دہشت گرد انہی تکفیری مدارس میں پنپ رہے ہیں، اور سیکیورٹی اداروں کو چاہیے کہ وہ ان کے خلاف فوری اور موثر ایکشن لیں۔
علامہ باقر زیدی نے مطالبہ کیا کہ خیرپور میں عزاداروں پر تشدد کرنے والوں کو کٹھرے میں لایا جائے اور ان کے خلاف قانونی کارروائی کی جائے تاکہ مستقبل میں اس قسم کے واقعات کو روکا جا سکے۔
The post خیرپور : کالعدم تنظیم کا شیعہ گھروں پر حملہ ، سبیل حسین کی بے حرمتی ، ملت جعفریہ شدید اضطراب کی کیفیت میں ، فوری کاروائی کا مطالبہ appeared first on شیعہ نیوز پاکستان.
