شیعہ نیوز: ایران کی بری فوج کے کمانڈر جنرل علی جہانشاہی نے کہا ہے کہ دشمن کے لیے زمینی جنگ زیادہ خطرناک اور مہنگی ثابت ہوگی۔
ایران کی سرکاری خبر رساں ایجنسیکی مطابق، بری فوج کے کمانڈر بریگیڈیئر جنرل علی جہانشاہی نے ملکی سرحدوں کے دورے کے دوران کہا ہے کہ دشمن کے ساتھ زمینی جنگ اس کے لیے زیادہ خطرناک، مہنگی اور ناقابل تلافی ثابت ہوگی۔
انہوں نے کہا کہ سرحدوں پر دشمن کی ہر نقل و حرکت پر کڑی نظر رکھی جا رہی ہے اور ایرانی افواج ہر ممکن صورتحال سے نمٹنے کے لیے مکمل طور پر تیار ہیں۔
یہ بھی پڑھیں : امریکی اور اسرائیلی جنگ میں ایران حاوی نظر آتا ہے، سابق چیف ایم آئی سکس
ایران کی بری فوج کے کمانڈر کا کہنا تھا کہ ایران کی سرزمین کے ہر حصے کی حفاظت مکمل چوکسی اور تیاری کے ساتھ کی جا رہی ہے، اور مسلح افواج کے جوان، افسران اور کمانڈرز ملک کی سرحدوں پر دشمن کا ڈٹ کر مقابلہ کرنے کے لیے موجود ہیں۔
انہوں نے قوم کو یقین دلایا کہ ان کے بیٹے محاذ جنگ پر مضبوطی اور حوصلے کے ساتھ کھڑے ہیں اور اللہ پر بھروسہ رکھتے ہوئے دشمن کو زمینی محاذ پر بھی شکست دیں گے۔
بریگیڈیئر جنرل جہانشاہی نے مزید کہا کہ عوام کی یکجہتی، استقامت اور حمایت ہی ایران کی کامیابی اور دشمن کی شکست کی اصل طاقت ہے۔
انہوں نے اس عزم کا اظہار کیا کہ ایرانی قوم اپنے جوانوں کی قربانیوں کی بدولت ہمیشہ سربلند اور مضبوط رہے گی۔
دورے کے دوران انہوں نے مختلف صوبوں میں جنگ کے شہداء کے اہلِ خانہ سے بھی ملاقات کی۔
The post دشمن کے لیے زمینی جنگ زیادہ خطرناک اور مہنگی ثابت ہوگی، جنرل علی جہانشاہی appeared first on شیعہ نیوز پاکستان.
