شیعہ نیوز: ایرانی صدر ڈاکٹرمسعود پزشکیان نے اقوام متحدہ کی جنرل اسمبلی کے سالانہ اجلاس سے خطاب کرتے ہوئے واضح کیا کہ ایران امریکا کے ساتھ جاری جنگ میں فوجی دباؤ کے سامنے ہتھیار نہیں ڈالے گا، تاہم تنازع کے خاتمے کے لیے ایران سفارت کاری اور مذاکرات کے راستے پر یقین رکھتا ہے۔
خطاب کے آغاز میں ایرانی صدر نے آیت اللہ سید علی خامنہ ای اور میناب میں امریکی و اسرائیلی حملوں کا نشانہ بننے والے اسکول کے بچوں کی تصاویر بھی دکھائیں۔
صدرِ ایران پزشکیان نے اقوامِ متحدہ کی جنرل اسمبلی سے خطاب کرتے ہوئے کہا امریکہ کی دھمکیوں نے ایرانی قوم کو مزید متحد کر دیا ہے اور جارحین کو پشیمان کر دیں گی،ایران برابری کی بنیاد پر مذاکرات کے لیے تیار ہے، لیکن طاقت کی زبان ہرگز قبول نہیں کرے گا۔
ٹرمپ کی جانب سے حالیہ عرصے میں اسلامی جمہوریہ ایران کے خلاف کی جانے والی سرگرمیاں اور دھمکیاں اقوامِ متحدہ کے منشور سے واضح طور پر متصادم ہیں اور بین الاقوامی سطح پر غنڈہ گردی اور طاقت کے منطق کی نمایاں مثال ہیں۔
یہ بھی پڑھیں : مستونگ، سکیورٹی فورسز کی کارروائی،فتنہ الہندوستان کے 9 دہشتگرد ہلاک
اس طرح کے دشمنانہ اقدامات ایرانی قوم کو پیچھے ہٹنے پر مجبور نہیں کریں گے بلکہ قومی اتحاد میں اضافے، داخلی اقتدار و طاقت کے استحکام اور جارحین کی ناجائز خواہشات کے مقابلے میں عوام کی مزاحمت کی صلاحیت میں اضافے کا باعث بنیں گے۔
ایران اپنے دشمنوں کو واضح طور پر خبردار کرتے ہوئے کہتا ہے کہ کسی بھی جارحیت کا پشیمان کن جواب دیا جائے گا۔ ساتھ ہی تاکید کرتا ہے کہ ایران ہمیشہ باہمی احترام کی بنیاد پر سفارت کاری اور منطقی مذاکرات کے لیے تیار ہے، لیکن طاقت اور دھمکی کے ذریعے دباؤ ڈالنے یا اپنی خواہشات مسلط کرنے کو کسی بھی صورت قبول نہیں کرے گا۔
The post دنیا میں بدامنی کی حقیقی جڑ امریکہ اور اسرائیل ہیں، صدر پزشکیان کا اقوام متحدہ میں خطاب appeared first on شیعہ نیوز پاکستان.
