شیعہ نیوز: روسی صدارتی محل کریملن نے بتایا ہے کہ روسی آرمی جنرل ولادیمیر الیکسیف پر حملہ کرنے والے ملزم کو متحدہ عرب امارات کے تعاون سے دبئی سے گرفتار کر کے ماسکو منتقل کر دیا گیا۔
اس حوالے سے ترجمان کریملن دمتری پیسکوف نے کہا ہے کہ اماراتی اور روسی حکام کے تعاون سے ملزم دبئی سے گرفتار ہوا۔
سروس کے مطابق روسی جنرل پر حملہ یوکرین نے کرایا، روسی جنرل پر قاتلانہ حملے کا حکم یوکرین کی سیکیورٹی سروس نے دیا تھا۔
یہ بھی پڑھیں : مغربی کنارے سے متعلق کابینہ کے فیصلے الحاق، آباد کاری اور نسل کشی کی پالیسیوں کا تسلسل ہیں، حماس
رپورٹ کے مطابق پولینڈ کی خفیہ ایجنسی بھی حملہ آور کی بھرتی میں ملوث تھی، حملہ آور یوکرینی نژاد روسی شہری ہے۔
روسی فیڈرل سیکیورٹی سروس کے مطابق روسی جنرل پر حملے کے شبے میں گرفتار شخص کو دبئی سے ماسکو منتقل کر دیا گیا ہے۔
رپورٹ کے مطابق کریملن کے ترجمان کا کہنا ہے کہ روسی صدر ولادیمیر پیوٹن نے تعاون پر اماراتی صدر سے اظہارِ تشکر کیا ہے۔
واضح رہے کہ روسی جنرل ولادیمیر الیکسیف کو چند روز قبل ماسکو میں قتل کرنے کی کوشش کی گئی تھی۔
The post روسی آرمی جنرل پر حملہ کرنیوالا ملزم دبئی سے گرفتار، ماسکو منتقل appeared first on شیعہ نیوز پاکستان.
