شیعہ نیوز: روس کے وزیراعظم نے کہا کہ چین، اسلامی جمہوریہ ایران اور دیگر دوست ممالک کے ساتھ تجارتی تعاون میں توسیع ، یوریشین اکنامک یونین کی ترجیحات میں شامل ہے۔
میخائل میشوستین نے یہ بات جمعرات کو قرقیزستان کے چولپون آتا شہر میں منعقد یوریشین اکنامک یونین کی بین الحکومتی کونسل کے اجلاس میں کہی۔
اس اجلاس میں اسلامی جمہوریہ ایران کے وزیر صنعت، معدن و تجارت سید محمد اتابک سمیت رکن اور مبصر ممالک کے اعلی عہدہ داروں نے شرکت کی۔
یہ بھی پڑھیں : پاکستان، سعودی عرب اور ترکیہ کے دفاعی معاہدے میں ایران کو بھی شامل کیا جائے: حافظ نعیم الرحمان
روس کے وزیراعظم نے لاجسٹکس اور ٹرانسپورٹیشن میں ڈیجیٹل ٹیکنالوجی کے استعمال کی اہمیت پر زور دیتے ہوئے باہمی تجارت کی شرح میں اضافے کی ضرورت پر زور دیا ہے۔
انہوں نے کہا:سن 2025 میں روس اور بیلاروس کے درمیان ریلوے سے تقریبا تمام سامان کی ترسیل الیکٹرانک دستاویزات کے ذریعے کی گئی ، ہم قزاقستان کے ساتھ بھی اس سلسلے میں آگے بڑھ رہے ہیں۔
میشوستین نے کہا کہ یوریشین اکنامک یونین کے رکن ممالک کے درمیان تجارت میں الیکٹرانک دستاویزات کا استعمال تجارتی عمل کو نمایاں طور پر آسان اور تیز بناتا ہے۔ ہم اس سلسلے میں بہتری کی کوشش جاری رکھیں گے۔
The post روسی وزیراعظم: یوریشین معاشی یونین کی ترجیح، چین اور ایران سے تجارت میں توسیع ہے appeared first on شیعہ نیوز پاکستان.
