شیعہ نیوز: سعودی عرب کے دارالحکومت میں دھماکوں کی اطلاعات کے ساتھ ہی ریاض کے ایک بین الاقوامی ہوائی اڈے کو عارضی طور پر بند کر دیا گیا۔
فارس نیوز کے مطابق، مقامی ذرائع نے جمعرات کی صبح سعودی دارالحکومت ریاض میں دھماکوں کی آوازیں سنائی دینے کی اطلاع دی۔
یہ بھی پڑھیں : آبنائے ہرمز میں ایران کی اجازت کے بغیر کوئی نقل و حرکت نہیں ہو سکتی، ایڈمرل سیاری
عراقی میڈیا نایا نے اس بارے میں لکھا کہ ریاض میں دو نامعلوم دھماکوں کی آوازیں واضح طور پر سنی گئیں۔ کچھ ہی دیر بعد سعودی عرب کے دارالحکومت میں واقع شاہ خالد بین الاقوامی ہوائی اڈہ ریاض میں دھماکوں کی آوازیں سنائی دینے کے بعد عارضی طور پر بند کر دیا گیا۔
سعودی سول ایوی ایشن اتھارٹی نے بھی طیاروں کو مطلع کیا کہ 29 جولائی کو رات 21:00 بجے سے 30 جولائی کو صبح 3:00 بجے تک شاہ خالد ایئرپورٹ پر طیاروں کی لینڈنگ ممکن نہیں ہوگی۔
اسی دوران عرب میڈیا نے سعودی دارالحکومت کے اوپر غیر معمولی پروازوں کا ذکر کرتے ہوئے رپورٹ کیا کہ دہلی، جدہ اور ترکی سے آنے والے تین طیارے ریاض ایئرپورٹ پر لینڈ نہیں کر سکے۔
The post ریاض ایئرپورٹ پر دھماکوں کے بعد لینڈنگ معطل، متعدد پروازیں متاثر appeared first on شیعہ نیوز پاکستان.
