شیعہ نیوز: علمدار سالاران و بس ایسوسی ایشن نے وفاقی حکومت اور فیلڈ مارشل عاصم منیر سے مطالبہ کیا ہے کہ زائرین کے لئے ایران اور عراق کے زمینی راستے کھول دیئے جائیں۔ بیان کے مطابق گزشتہ روز علمدار سالاران و بس ایسوسی ایشن کا اجلاس ماسٹر علی رضا کی زیر صدارت منعقد ہوا۔ جس میں پوری کابینہ اور دیگر اراکین نے شرکت کی۔
اجلاس میں مختلف معاملات پر بحث ہوئی۔ اس موقع پر وفاقی حکومت سے مطالبہ کیا گیا کہ فی الفور زائرین اور تمام بسوں کی مشکلات کو مدنظر رکھتے ہوئے محرم الحرام کے سلسلے میں عاشورہ اور اربعین کے موقع پر تفتان بارڈر کو مستقبل طور پر کھول دیا جائے، تاکہ لاکھوں عاشقان اہل بیتؑ ایران اور عراق میں مقدس مقامات کی زیارات کے لئے جا سکیں۔ تفتان اور ریمدان – گبد بارڈر پر امیگریشن، ٹرانسپورٹ کی سہولیات کو عالمی معیار کے مطابق بنائی جائیں تفتان اور ریمدان – گبد بارڈر پر امیگریشن، ٹرانسپورٹ کی سہولیات کو عالمی معیار کے مطابق بنائی جائیں۔
یہ بھی پڑھیں : انقلاب اسلامی کربلا کا تسلسل ہے، 1400 سال بعد قرآنی نظام قائم ہوا، علامہ راجہ ناصر عباس جعفری
بیان میں کہا گیا کہ مسافر بس سروس اور تجارتی کورگو کا باقاعدہ آغاز کیا جائے تاکہ بلوچستان کے سرحدی عوام کو روزگار اور معیشت میں براہ راست فائدہ پہنچے۔
بیان کے آخر میں وفاقی حکومت، وزیراعظم شہباز شریف، فیلڈ مارشم عاصم منیر، وفاقی وزیر داخلہ محسن نقوی اور ایرانی حکام سے اپیل اور مطالبہ کیا گیا کہ زائرین، تاجروں اور عام عوام کی سہولت کے لئے ہنگامی بنیادوں پر عملی اقدامات اٹھائے جائیں اور تفتان بارڈر کو بائی روڈ سفر کرنے والوں کے لئے کھول دیا جائے۔
The post ریمدان اور تفتان بارڈرکوزائرین کیلئےکھولاجائے،علمدار سالاران ایسوسی ایشن کافیلڈ مارشل عاصم منیرسے مطالبہ appeared first on شیعہ نیوز پاکستان.
