شیعہ نیوز: سانحہ ترلائی اسلام آباد میں جامع مسجد پر حملہ کرنے والے دہشت گردوں کو اپنی جان کی پروا کیے بغیر روکنے کی کوشش کرنے والے شہید ملک عون عباس کی بہادری اور عظیم قربانی کو حکومتِ پاکستان نے قومی سطح پر سراہتے ہوئے انہیں نشانِ امتیاز سے نواز دیا۔
شہید ملک عون عباس نے دہشت گردوں کے سامنے ڈٹ کر اپنی جان پر کھیلتے ہوئے انہیں روکنے کی کوشش کی اور اس دوران جامِ شہادت نوش کیا۔ ان کی جرأت، بہادری اور قومی و انسانی جانوں کے تحفظ کے لیے دی جانے والی قربانی نے پوری قوم کو متاثر کیا۔
سانحے کے بعد ملک بھر میں عوامی حلقوں کی جانب سے مطالبہ کیا گیا تھا کہ شہید ملک عون عباس کی بے مثال بہادری کے اعتراف میں انہیں ملک کے اعلیٰ ترین سول اعزازات میں سے کسی اعزاز سے نوازا جائے۔
یہ بھی پڑھیں : ایران میں امریکی فوجیوں کے لئے اجتماعی قبرستان تیار
حکومتِ پاکستان کی جانب سے نشانِ امتیاز سے نوازا جانا شہید ملک عون عباس کی قربانی اور شجاعت کا قومی سطح پر اعتراف ہے۔
ان کی قربانی دہشت گردی کے خلاف قوم کے عزم اور وطن و انسانیت کے دفاع کی ایک روشن مثال کے طور پر یاد رکھی جائے گی۔
The post سانحہ ترلائی اسلام آباد: شہید ملک عون عباس کو نشانِ امتیاز سے نواز دیا گیا appeared first on شیعہ نیوز پاکستان.
