شیعہ نیوز: سعودی رجیم بجٹ خسارے، آرامکو کی آمدنی میں 25 فیصد کمی اور بڑھتے ہوئے سیکیورٹی اخراجات کے باعث کم از کم 8 ارب ڈالر کا قرضہ لینے پر مجبور ہو گئی ہے، جبکہ یمنی ڈرون حملے جاری ہیں اور مکہ دفاعی اتحاد (سعودی عرب، ترکی، پاکستان) یمن کی غیر متناسب جنگ کا سامنا کرنے میں ناکام و بے بس دکھائی دے رہا ہے۔
بلومبرگ نے حال ہی میں یہ اطلاع دی کہ جارح سعودی رجیم شدید مالی بحران کا شکار ہے اور اسے کم از کم 8 ارب ڈالر کا نیا قرضہ لینے کے لیے مذاکرات کرنے پڑ رہے ہیں۔ دوسری سہ ماہی میں 9.1 بلین ڈالر کا بجٹ خسارہ، آرامکو کی آمدنی میں 25 فیصد کمی، اور بڑھتے ہوئے سیکیورٹی اخراجات (جو جزوی طور پر یمن اور ایران کے خلاف جنگی پالیسیوں کا نتیجہ ہیں) نے ریاض کے مالی وسائل کو شدید دباؤ میں ڈال دیا ہے۔ آرامکو بھی بینکوں سے مزید قرضے لینے کے لیے بات چیت کر رہی ہے، جو اس بحران کی سنگینی کو ظاہر کرتا ہے۔
یہ بھی پڑھیں : رہبرِ انقلاب کی جانب سے ولادتِ رسولِ خدا کے موقع پر 2500 سے زائد قیدیوں کی سزاؤں میں معافی اور تخفیف
ادھر، یمن کی مسلح افواج کے ڈرون اور میزائل حملے جاری ہیں، جس نے سعودی دفاع کو بے نقاب کر دیا ہے۔ یمنی ترجمان یحییٰ سریع نے فلسطین کی حمایت اور قابض و نسل پرست اسرائیل کے خلاف مزاحمت کو یمن کی خارجہ پالیسی کا حصہ قرار دیا ہے۔
سعودی رجیم نے ترکی اور پاکستان کے ساتھ مکہ دفاعی معاہدے کے تحت ایک اسٹریٹجک کمیٹی تشکیل دی ہے، لیکن یمن کے خلاف اس کی افادیت مشکوک ہے، کیونکہ جدید اسلحہ کے باوجود یمنی غیر متناسب حملوں کا مقابلہ کرنے میں یہ اتحاد ناکام دکھائی دیتا ہے۔
The post سعودی رجیم 8 ارب ڈالر کا قرضہ لینے پر مجبور، بجٹ خسارے اور آرامکو کی آمدنی میں 25 فیصد کمی appeared first on شیعہ نیوز پاکستان.
