حوزہ/ اربعین کے عظیم الشان اجتماع کے دوران شلمچہ سرحدی گزرگاہ اور کربلا کے حسینی مواکب پر ہونے والے حملوں نے ایک بار پھر اس تاریخی حقیقت کو نمایاں کر دیا ہے کہ زائرینِ سید الشہداء حضرت امام حسینؑ اور شعائرِ حسینی کو دبانے کی کوشش کوئی نیا واقعہ نہیں۔ عہدِ بنی امیہ و عباسیہ سے لے کر صدام کے دور، داعش کی دہشت گردی اور آج کے حملوں تک، دشمنوں نے مختلف طریقوں سے اس نورانی تحریک کو روکنے کی کوشش کی، مگر ہر دور میں ظلم کے باوجود عشقِ حسینؑ، زیارتِ کربلا اور اربعین کی عظیم روایت پہلے سے زیادہ طاقت اور آب و تاب کے ساتھ ابھرتی رہی۔
