شیعہ نیوز: سربراہ مجلس وحدت مسلمین پاکستان قائد حزب اختلاف سینیٹ آف پاکستان حجت الاسلام و المسلمین محترم جناب سینیٹرعلامہ راجہ ناصر عباس جعفری حفظہ اللہ کی جامعہ عروۃ الوثقیٰ لاہور میں سربراہ تحریک بیداری امت مصطفیٰ علامہ سید جواد نقوی سے ملاقات،دورانِ ملاقات ملکِ پاکستان کی موجودہ داخلی و علاقائی صورتحال، درپیش چیلنجز اور قومی تقاضوں پر تفصیلی و بامقصد تبادلۂ خیال کیا گیا۔
پاکستان کے اندر جاری مسائل پر گفتگو کی گئی ، پاکستان میں ملت جعفریہ کو در پیش مسائل پر تبادلہ خیال کیا گیا ۔
ملاقات میں رہبر معظم امام خامنہ ای کی شہادت کے بعد پیش آنے والے مسائل کے تناظر میں ملت تشیع کی وحدت و یکجہتی کے لیے کوشش اور عملی اقدامات پر اتفاق کیا گیا اور علما ء کرام و اکابرین کے ساتھ رابطہ کرنے پر تأکید کی گئی ہے ۔
یہ بھی پڑھیں : دہشتگرد ریاست اسرائیل کا جوہری پروگرام امن عالم کیلئے سنگین خطرہ ہے، علامہ عقیل انجم قادری
مزید برآں آئندہ پروگرامز، اجتماعات اور مشترکہ منصوبہ بندی کے حوالے سے بھی گفتگو ہوئی، جس میں امتِ مسلمہ کی وحدت، شعور بیداری اور مثبت و مؤثر کردار کے فروغ کے لیے لائحۂ عمل پر غور کیا گیا۔
The post سینیٹر علامہ راجہ ناصرعباس اور علامہ سید جواد نقوی کی ملاقات، ملک گیراجتماعات پر مشاورت appeared first on شیعہ نیوز پاکستان.
