اسلامی جمہوریہ ایران کے وزیر خارجہ سید عباس عراقچی نے مغربی ذرائع ابلاغ بالخصوص سی این این اور روزنامہ نیویارک ٹائمز کی جھوٹی رپورٹوں پر اپنے ردعمل میں کہا ہے کہ گزشتہ 72 گھنٹے کے دوران اسرائیل کے حامی ذرائع ابلاغ نے دعویٰ کیا ہے کہ ایران بظاہر، واشنگن پر کیمیائی حملے کی سازش کررہا ہے اور اپنے ڈیموں کے نیچے میزائل اڈے بنارہا ہے۔ یہ دعویٰ صرف بکواس ہے۔
انھوں نے ایکس پر اپنی پوسٹ میں لکھا ہے کہ” براہ کرم عراق کے خلاف جنگ کےزمانے کی طرح کے جھوٹے پروپیگنڈوں سے دست بردار ہوجائيں کیونکہ ایسی حالت میں کہ اس پورے معاملے میں اسرائیل کی مداخلت واضح ہے، کوئی بھی ان دعووں پر یقین نہیں کرے گا۔
سی این این اور نیویارک ٹائمز کے دعوے بکواس ہیں: سید عباس عراقچی


