شیعہ نیوز: شام کے شمال مشرقی شہر رقہ میں دہشت گرد تنظیم داعش کے حملے میں چار سیکیورٹی اہلکار ہلاک ہو گئے۔
رپورٹ کے مطابق شام کے شمال مشرقی شہر رقہ کے مغربی علاقے میں دہشت گرد تنظیم داعش کے حملے میں ایچ ٹی ایس کی قیادت میں قائم انتظامیہ کے چار اہلکار ہلاک ہو گئے۔
عرب خبر رساں ادارے نے ایک سیکیورٹی ذریعے کے حوالے سے بتایا کہ رقہ کے مغرب میں واقع الصباحیہ چوکی پر داعش کے حملے میں داخلی سیکیورٹی فورس کے چار ارکان مارے گئے۔
یہ بھی پڑھیں : امریکی سفارت خانہ عراق میں سیاسی کشیدگی بڑھانے میں سرگرم
رپورٹ کے مطابق حملہ شہر میں داخلی سیکیورٹی فورسز کی ایک چوکی کو نشانہ بنا کر کیا گیا، جس کے بعد علاقے کو محفوظ بنانے کے لیے پولیس کے دستے تعینات کر دیے گئے۔
ایچ ٹی ایس کی قیادت میں قائم انتظامیہ کی جانب سے فوری طور پر کوئی بیان جاری نہیں کیا گیا۔
داعش کے خفیہ نیٹ ورک اس علاقے میں اب بھی سرگرم ہیں، جہاں اس دہشت گرد تنظیم نے 2014 میں کنٹرول حاصل کر لیا تھا۔
بعد ازاں یہ علاقہ امریکی حمایت یافتہ سیرین ڈیموکریٹک فورسز کے زیر کنٹرول رہا، تاہم حالیہ معاہدے کے تحت شامی فوج نے دوبارہ اس خطے کا کنٹرول سنبھال لیا ہے۔
The post شام میں سیکورٹی چوکی پر دہشت گرد تنظیم داعش کا حملہ، چار اہلکار ہلاک appeared first on شیعہ نیوز پاکستان.
