تہران (ارنا) پپیتہ گرمائی علاقوں کا ایک پھل ہے جو وسطی امریکہ کے استوائی علاقوں سے ایران آیا ہے۔ اس پھل کی جلد بہت پتلی اور ذائقہ میٹھا ہوتا ہے، جو کھانے کے قابل ہونے کے ساتھ ساتھ پروسیسنگ کی صنعتوں میں بھی استعمال کیا جا سکتا ہے۔ پپیتہ ایک سدا بہار اور دوتفاعل پودا ہوتا ہے جس کی لکڑی انتہائی نرم ہوتی ہے۔ پپیتہ اپنے 1 سے 10 میٹر تک اونچے درخت کے تنے پر اگتا ہے۔ یہ پودا 20 سال تک زندہ رہ سکتا ہے لیکن اس کی مفید اور معاشی زندگی تین سال سے زیادہ نہیں ہوتی۔
عام طور پر، پپیتے کی پہلی فصل بیج لگانے کے 12 ماہ بعد حاصل کی جاتی ہے، اور ہر پھول پولینیشن کے تقریباً 145 سے 165 دن بعد ایک مکمل اور پکے پھل میں بدل جاتا ہے۔ پکے ہوئے پپیتے کی جلد پتلی ہوتی ہے اور اس کی اسٹوریج اور نقل و حمل میں بہت احتیاط کی ضرورت ہوتی ہے۔
شمالی خراسان میں امام رضا (ع) کے گرین ہاؤس کمپلیکس میں پپیتے کے گرین ہاؤس کا قیام ایک تحقیقی اور تجارتی بنیادوں پر عمل میں لایا گيا تھا۔ 7 ہزا مربع میٹر کے رقبے پر پھیلا یہ فارم ہاوس اب پیداواری مرحلے تک پہنچ چکا ہے۔
