صیہونیت پوری عالم بشریت کیلئے خطرہ ہیں، آل سعود پوری طاقت سے صیہونیوں کا دفاع کرنے میں مصروف ہے، عبدالملک الحوثی

شیعہ نیوز: انصاراللہ یمن کے سربراہ سید عبدالملک بدرالدین الحوثی نے اپنی تازہ ترین تقریر میں خبردار کیا ہے کہ صیہونیت پوری عالم بشریت کے لیے خطرہ ہے اور امت مسلمہ کو اپنے دشمنوں سے ہوشیار رہنا چاہیے۔

انہوں نے اسی طرح عراق پر امریکی سعودی جارحیت کی شدید مذمت کرتے ہوئے کہا کہ “ہم ملت عراق سے دل کی گہرائی سے تسلیت اور ہمدردی کا اظہار کرتے ہیں۔ اسلام دشمن عناصر انسانی معاشرے کو ظالمانہ، شیطانی، مجرمانہ اور وحشیانہ سازشوں کا نشانہ بنا رہے ہیں۔ ہمارے زمانے میں کچھ مسلمان حکمران واضح طور پر اسلام دشمن عناصر یعنی یہود و نصاری سے وفاداری کا اظہار کر رہے ہیں اور دینی اقدار کو پامال کرنے میں مصروف ہیں۔ بہت سے نظام، حکومتیں، لیڈران اور گروہ صیہونزم، یہودیوں اور نصرای سے وفاداری کا اظہار کرتے ہوئے ان کا ساتھ دے رہے ہیں۔ دشمنوں نے اسلام، مسلمانوں، الہی اقدار اور مذہبی تعلیمات کو نشانہ بنانے کی خاطر واضح دشمنی کا راستہ اپنا رکھا ہے۔ صیہونزم اور اس کے پیروکاروں نے امت مسلمہ کو نشانہ بنایا ہوا ہے جبکہ وہ پوری عالم بشریت کے لیے بھی خطرہ ہیں۔”

یہ بھی پڑھیں : بے گناہوں کا خون بہانے والوں کو اپنے جرائم کی قیمت چکانی پڑے گی، محمد باقر قالیباف

سید عبدالملک بدرالدین الحوثی نے مزید کہا کہ “صیہونی حکام خود سے وفاداری کا اظہار کرنے والوں کو حقارت کی نظر سے دیکھتے ہیں اور انہیں ذلیل کرتے ہیں کیونکہ انہیں محض ایک آلہ کار کی نظر سے دیکھتے ہیں جن سے فائدہ اٹھانے کے بعد نابود کر دیا جائے گا۔ سیاسی اور میڈیا سطح پر بھی صیہونی اپنے وفاداروں کی بے عزتی کرتے ہیں اور ان سے توہین آمیز رویہ اپناتے ہیں۔ خود ٹرمپ نے بھی سعودی عرب کے بارے میں کہا کہ وہ دودھ دینے والی گائے ہے اور وہ اس کا دودھ دوہتا رہتا ہے تاکہ کہیں خشک نہ ہو جائے اور اس کے بعد اسے ذبح کر دے گا۔

” انصاراللہ یمن کے سربراہ نے کہا کہ “اسلام دشمن قوتوں سے وفاداری امت مسلمہ میں انحراف ہے اور اس کی قیمت دین مبین اسلام اور اس کے قیمتی اصولوں کو نقصان کی صورت میں چکانا پڑ رہی ہے۔ سب سے اہم اور بنیادی اسلامی اصول امت مسلمہ کی نجات اور دشمنوں پر انحصار سے رہائی پر مشتمل ہے۔ اسلام دشمن طاقتوں پر انحصار کا مطلب ان کی اطاعت اور ان کے شیطانی منصوبوں پر عمل پیرا ہونا ہے۔”

The post صیہونیت پوری عالم بشریت کیلئے خطرہ ہیں، آل سعود پوری طاقت سے صیہونیوں کا دفاع کرنے میں مصروف ہے، عبدالملک الحوثی appeared first on شیعہ نیوز پاکستان.

​