spot_img

ذات صلة

جمع

قالیباف کا سی این این کی ایران مخالف حالیہ خبرسازی پر ردعمل

ایرانی پارلیمنٹ کے اسپیکر محمد باقر قالیباف نے کہا...

عراق کی طرح جھوٹے پروپگنڈے بند کریں ، سید عباس عراقچی

اسلامی جمہوریہ ایران کے وزیر خارجہ سید عباس عراقچی...

روس: ایران کی جوہری تنصیبات پر جارحیت غیر قانونی تھی

ویانا میں بین الاقوامی اداروں میں روس کے مستقل...

ایم کیو ایم کا وزیراعلیٰ مراد علی شاہ سے فوری استعفے کا مطالبہ

شیعہ نیوز:متحدہ قومی موومنٹ (ایم کیو ایم) پاکستان نے...

صیہونی حکومت غزہ کے عوام کو کوچ پر مجبور کرنے کے پروگرام کا نام بدلنے پر مجبور ہوگئی

شیعہ نیوز: میڈیا ذرائع نے رپورٹ دی ہے کہ غاصب صیہونی حکومت غزہ کے عوام کو یہاں سے نکالنے کے پروگرام” رضاکارانہ مہاجرت” کا مختلف ملکوں کی جانب سے استقبال نہ کئے جانے کے بعد اس کا نام بدلنے پر مجبور ہوگئی ہے۔

الجزیرہ کے حوالے سے رپورٹ دی ہے کہ غاصب صیہونی حکومت نے ” رضا کارانہ مہاجرت ” کے نام سے غزہ سے عوام کو نکالنے میں ناکامی کے بعد، اس نام کو بدل دیا ہے۔

صیہونی حکومت کے ٹی وی چینل 13 کی رپورٹ کے مطابق صیہونی حکام نے ایک سیکورٹی میٹنگ میں اس مسئلے کا جائزہ لیا اورنیا فارمولا اپنے ایجنڈے میں رکھا ہے۔

اس رپورٹ کے مطابق صیہونی حکومت نے موساد اور سیکورٹی اداروں کے عہدیداروں کو حکم دیا ہے کہ اب غزہ کے عوام کو یہاں سے نکالنے کے لئے، ” رضا کارانہ مہاجرت ” کی اصطلاح استعمال نہ کی جائے۔

یہ بھی پڑھیں : ڈیموکریٹ ممبر پارلیمنٹ: ایران کے خلاف جنگ امریکیوں کے لئے ایک المیہ تھی

یہ اقدام بین الاقوامی سطح پر مذکورہ منصوبے پر وسیع تنقیدوں کے بعد کیا گیا ہے۔

رپورٹ میں بتایا گیا ہے کہ عالمی براداری نے، مذکورہ منصوبے کو جبری نقل مکانی قرار دیا ہے اور اسی وجہ سے بہت سے ملکوں نے غزہ کے رہنے والے فلسطینی باشندوں کو لینے سے انکار کردیا ہے۔

اس رپورٹ کے مطابق اب سبھی نشستوں اور سرکاری مکتوبات میں ” نقل مکانی کی آزادی” کی اصطلاح استعمال ہوگی اور متعلقہ ممالک سے صیہونی حکومت کے روابط سے باخبر بعض ذرائع نے اس سلسلے میں کامیابی کی امید ظاہر کی ہے۔

ان ذرائع کا کہنا ہے کہ اس منصوبے کے احیا کے لئے صیہونی حکومت کی کوششوں کے پیش نظر، توقع ہے کہ منصوبے کا نام بدل جانے سے ان ملکوں کے موقف میں بنیادی تبدیلی آئے گی۔

اس رپورٹ کے مطابق ایک صیہونی عہدیدار نے بتایا ہے کہ اسرائیلی حکومت آپریشنل کامیابی چاہتی ہے جو بڑی تعداد میں غزہ سے فلسطینی عوام کے کوچ کرجانے پر منتج ہوکیونکہ اس کا خیال ہے کہ یہ اقدام، مستقبل میں ہر منصوبے میں مدد کرے گا۔

The post صیہونی حکومت غزہ کے عوام کو کوچ پر مجبور کرنے کے پروگرام کا نام بدلنے پر مجبور ہوگئی appeared first on شیعہ نیوز پاکستان.

​ 

spot_imgspot_img