شیعہ نیوز: لبنانی خبر رساں ذرائع نے ملک کے “دوحہ کفر رامان”، “علی طاہر” اور “المنصوری” سمیت مختلف جنوبی علاقوں پر صیہونی حکومت کے وسیع فضائی اور اور زمینی حملوں کی اطلاع دی ہے۔
رپورٹ کے مطابق صیہونی حکومت کے لڑاکا طیارے مسلسل کئی گھنٹے سے انتہائی نچلی سطح پر پرواز کر رہے ہیں اور مختلف مقامات کو نشانہ بنا رہے ہیں۔
ان حملوں کے دوران “دوحہ کفر رامان” اور “علی طاہر” کے علاقے کم از کم تین بار فضائی حملوں کا نشانہ بنایا گیا ہے۔
یہ بھی پڑھیں : ایران اور عراق نے اپنی تقدیر کے فیصلے کا اختیار بڑی طاقتوں سے چھین لیا، اسپیکر قالیباف
اس رپورٹ کے مطابق فضائی حملوں کے ساتھ ساتھ صیہونی حکومت کے توپ خانے نے “میفدون”، “علی طاہر”، “دبشہ” اور “دوحہ کفر رامان” کے اطراف کے علاقوں کو بھی مسلسل شدید گولہ باری کا نشانہ بنایا۔
ایک علیحدہ فضائی حملے میں جنوبی لبنان میں منصوری کے علاقے کو بھی نشانہ بنایا گیا۔
فیلڈ رپورٹوں بتاتی ہیں کہ ان شدید حملوں کے بعد جنوبی لبنان میں دو زوردار دھماکوں کی آوازیں سنی گئیں اور اسرائیلی جنگی طیارے اب بھی ان علاقوں پر پرواز کر رہے ہیں۔
لبنانی ذرائع نے الدبشہ اور علی الطاہر کے درمیان والے علاقوں پر اسرائیلی توپ خانے سے مسلسل گولہ باری کی بھی اطلاع دی ہے جبکہ ایک اسرائیلی جنگی طیارے نے علی الطاہر کے علاقے اور اس کے مضافات میں بہت نچلی پرواز کی۔
ابھی تک ممکنہ جانی یا مالی نقصان کی کوئی رپورٹ جاری نہیں کی گئی۔
یہ حملے ایسے وقت کیے جا رہے ہیں جب لبنانی حکومت امریکہ کی نگرانی میں اسرائیلی غاصب حکومت کے ساتھ براہ راست مذاکرات میں مصروف ہے۔ ادھر لبنان کی سیاسی جماعتوں بالخصوص حزب اللہ نے اس عمل کی مخالفت کی ہے اور لبنانی حکومت سے مطالبہ کیا ہے کہ وہ اس غلط اقدام اور خطرناک رویئے پر نظر ثانی کرے۔
The post صیہونی حکومت کے جنوبی لبنان پر وسیع فضائی حملے اور گولہ باری appeared first on شیعہ نیوز پاکستان.
