شیعہ نیوز: کابل افغانستان میں طالبان حکومت ایک بار پھر شدید تنقید کی زد میں ہے۔ مختلف حلقوں کی جانب سے دعویٰ کیا جا رہا ہے کہ مرحوم آیت اللہ العظمیٰ آصف محسنیؒ کے قائم کردہ جامعہ خاتم النبیینؐ کو بند کر دیا گیا ہے، جس پر مذہبی و تعلیمی آزادی کے حوالے سے نئے سوالات اٹھنے لگے ہیں۔
ناقدین کا کہنا ہے کہ طالبان پہلے ہی خواتین کی تعلیم پر سخت پابندیوں کے باعث عالمی تنقید کا سامنا کر رہے ہیں، جبکہ اب دیگر مکاتبِ فکر کے دینی اداروں اور مذہبی سرگرمیوں میں بھی مبینہ مداخلت کی جا رہی ہے۔ ان کا مؤقف ہے کہ محرم الحرام کے دوران بھی متعدد مقامات پر مذہبی اجتماعات کے حوالے سے رکاوٹیں کھڑی کی گئیں۔
انسانی حقوق کے کارکنوں نے مطالبہ کیا ہے کہ افغانستان میں تمام شہریوں کو بلاامتیاز تعلیم، مذہبی آزادی اور اپنے عقائد کے مطابق عبادت کے بنیادی حقوق فراہم کیے جائیں، اور اس معاملے پر عالمی برادری اور انسانی حقوق کے ادارے توجہ دیں۔
یہ بھی پڑھیں : ضلع کرم ، دہشت گردوں کے سہولت کاروں کی موجودگی پر تشویش، سخت کارروائی کا مطالبہ
تاہم طالبان حکومت کی جانب سے ان دعوؤں پر باضابطہ مؤقف سامنے نہیں آیا۔
The post طالبان کی جارحیت جاری ، تعلیمی و مذہبی آزادیوں پر قدغن لگانے کے بعد جامعہ خاتم النبیینؐ پر پابندی لگادی appeared first on شیعہ نیوز پاکستان.
