شیعہ نیوز: اسلام آباد سینئر صحافی حسین بنگش نے دعویٰ کیا ہے کہ ضلع کرم میں کالعدم تنظیم ٹی ٹی پی کے مبینہ سہولت کاروں اور حامیوں کی تعداد میں اضافہ تشویش کا باعث بنتا جا رہا ہے۔
ان کے مطابق سکیورٹی فورسز کے ساتھ جھڑپوں میں مارے جانے والے بعض افراد کی تدفین ضلع کرم کے مختلف علاقوں، جن میں صدہ، کوچی، ارگرد، سنٹرل کرم اور بگن شامل ہیں، میں کی جا رہی ہے۔ ان کا کہنا ہے کہ اس سے مقامی سطح پر مبینہ سہولت کاری کے حوالے سے خدشات جنم لیتے ہیں۔
حسین بنگش نے مطالبہ کیا کہ ریاستی ادارے دہشت گردی میں ملوث عناصر اور ان کے مبینہ سہولت کاروں کے خلاف قانون کے مطابق مؤثر کارروائی کریں۔ انہوں نے یہ بھی کہا کہ کالعدم تنظیموں کے ساتھ کسی بھی قسم کے مذاکرات یا رعایت کے بجائے دہشت گردی کے متاثرین اور شہداء کے لیے انصاف کو یقینی بنایا جانا چاہیے۔
The post ضلع کرم ، دہشت گردوں کے سہولت کاروں کی موجودگی پر تشویش، سخت کارروائی کا مطالبہ appeared first on شیعہ نیوز پاکستان.
