شیعہ نیوز: اقوام متحدہ کے بچوں کے فنڈ یونیسیف کے مطابق 300 روزہ جنگ بندی کے دوران غزہ میں تقریباً ہر روز ایک بچہ موت سے ہمکنار ہورہا ہے۔
الجزیرہ کی رپورٹ مطابق، یونیسیف نے جمعرات کو ایک بیان میں جنگ بندی کا حوالہ دیتے ہوئے کہا ہے کہ غزہ میں تقریباً ہر روز ایک بچہ موت سے ہمکنار ہورہا ہے جبکہ سینکڑوں دیگر بچے زخمی ہوئے ہیں، جن میں سے متعدد کی حالت تشویشناک ہے۔
یونیسیف نے امریکہ کے مجوزہ امن منصوبے کے تمام فریقوں سے اپنے وعدے پورے کرنے کا مطالبہ کیا۔
یہ بھی پڑھیں : جنوبی لبنان پر اسرائیلی فوج کی گولہ باری
بیان میں کہا گيا ہے کہ یہ جنگ جس میں روزانہ اوسطاً ایک بچہ ہلاک ہوتا ہے، بچوں کے لیے مایوس کن ہے۔ غزہ میں بچے اب بھی تشدد کے خاتمے کا انتظار کر رہے ہیں جس کا ان سے وعدہ کیا گیا تھا۔”
یونیسیف کے مطابق تقریبا اس وقت سب ہی فلسطینی خاندان غزہ کے تقریباً ایک تہائی حصے میں مقیم ہیں، جو تباہ شدہ عمارتوں، ملبے اور کچرے کے درمیان زندگی گزارنے پر مجبور ہیں۔
بیان میں کہا گيا ہے بچوں کو شدید غذائی قلت، بیماری، آلودہ پانی اور صحت کے مسائل سامنا ہے، جب کہ انکیوبیٹرز کی کمی کی وجہ سے قبل از وقت پیدا ہونے والے کئی بچوں کو ایک ہی انکیوبیٹر میں رکھا جارہا ہے۔
اسپتال کے ذرائع کا کہنا ہے کہ اسرائیل کی اس علاقے کے خلاف نسل کشی کی جنگ میں اکتوبر 2023 سے اب تک 73,300 فلسطینی شہید ہوچکے ہیں۔
یونیسیف نے مزید کہا کہ 58,000 سے زیادہ بچے والدین میں سے ایک یا دونوں سے محروم ہوچکے ہیں، جب کہ دس لاکھ سے زائد بچوں کو نفسیاتی مدد اور سماجی تحفظ کی ضرورت ہے۔
عالمی ادارے نے اس سے پہلے تخمینہ لگایا تھا کہ تقریباً 17,000 بچے بے سہارا یا اپنے خاندانوں سے جدا ہو گئے ہیں، جو دنیا میں بچوں کے تحفظ کے حوالے سے سب سے بڑے بحرانوں میں سے ایک ہے۔ غزہ میں بہت سے خاندان بار بار نقل مکانی، آمدنی میں کمی اور صحت اور تعلیم کے فقدان جیسی مشکلات سے دوچار ہیں۔
رپورٹ کے مطابق، غزہ میں اسٹیٹ انفارمیشن آفس کے اعدادوشمار کے مطابق، بچوں کی قاتل اسرائیلی حکومت نے غزہ میں 8 اکتوبر 2023 سے اس سال جولائی تک 21,500 بچوں کو شہید کیا ہے۔
اقوام متحدہ کے بچوں کے فنڈ (یونیسیف) نے 19 جون 2026 کو اعلان کیا تھا کہ مسلسل ہلاکتوں اور زخمیوں اور ادویات اور خوراک کی فراہمی پر پابندیوں کے پیش نظر اکتوبر 2025 میں اعلان کردہ جنگ بندی غزہ کے بچوں کے لیے ایک ظالمانہ اور جان لیوا فریب بن چکی ہے۔
The post غزہ میں جنگ بندی کے 300 دن کے دوران 300 بچے مارے گئے، یونیسیف کی رپورٹ appeared first on شیعہ نیوز پاکستان.
