شیعہ نیوز: اسرائیلی رکاوٹوں کے باوجود فریڈم اور صمود فلوٹیلا 12 اپریل کو بحیرہ روم کے راستے محصور غزہ کی طرف روانگی کے لئے پرعزم ہیں۔
رپورٹ کے مطابق فریڈم فلوٹیلا اور صمود فلوٹیلا نے اعلان کیا ہے کہ وہ 12 اپریل کو بحیرۂ روم کے راستے غزہ کی پٹی کی جانب مشترکہ طور پر روانہ ہونے کے لیے پرعزم ہیں۔ اس مجوزہ اقدام میں 100 سے زائد چھوٹی بڑی کشتیوں کی شرکت متوقع ہے۔
یہ بھی پڑھیں : امریکی عوام جنگ نہیں چاہتے، سابق نائب صدر کملا ہیرس
اطلاعات کے مطابق یہ سمندری اقدام غزہ کے خلاف جاری محاصرے کے خلاف عالمی سطح پر بڑھتی ہوئی مزاحمت کا حصہ ہے۔ دونوں فلوٹیلا نے اس بار انفرادی اقدامات کے بجائے متحد اور منظم انداز میں پیش قدمی کا فیصلہ کیا ہے تاکہ امدادی اور احتجاجی سرگرمیوں کو زیادہ مؤثر بنایا جاسکے۔
یاد رہے کہ ماضی میں بھی یہ بحری قافلے الگ الگ غزہ کی جانب روانہ ہوچکے ہیں، تاہم انہیں اسرائیلی افواج کی جانب سے سخت رکاوٹوں اور کارروائیوں کا سامنا کرنا پڑا۔
منتظمین کا کہنا ہے کہ اس مرتبہ زیادہ بڑی اور مربوط شرکت کے ذریعے عالمی توجہ کو ایک بار پھر غزہ کی صورت حال کی طرف مبذول کرایا جائے گا۔
The post غزہ کی جانب 100 سے زائد کشتیوں کی مشترکہ پیش قدمی کا اعلان appeared first on شیعہ نیوز پاکستان.
