شیعہ نیوز: صدر ایران نے کہا ہے کہ ہم سمجھتے ہیں کہ ہمیں اپنی سرزمین کے ایک ایک انچ کا عملی طور پر دفاع کرنا چاہیے اور غیر مہذب الفاظ کے مستحق خود امریکی صدر ہیں۔
مسعود پزشکیان نے منگل کے روز امریکی صدر ڈونلڈ ٹرمپ کی بیان بازی کے بارے میں ایک سوال کے جواب میں کہا یہ قدرتی بات ہے کہ دشمن کی بیان بازی کا سلسلہ جاری ہے، لیکن کیا وہ زمینی سطح پر اپنے اہداف حاصل کرنے میں کامیاب رہے ہیں؟
انہوں نے یہ سوال اٹھاتے ہوئے کہ وہ لوگ کہاں ہیں جو ایران کو ٹکڑے ٹکڑے کرنے کی بات کر رہے تھے؟
صدر ایران نے کہا کہ ہم سمجھتے ہیں کہ ہمیں اپنی سرزمین کے ایک ایک انچ کا عملی طور پر دفاع کرنا چاہیے، اور غیر مہذب الفاظ صرف انہی کے مستحق ہیں، ایرانی قوم نہیں۔
یہ بھی پڑھیں : خطے کے لیے اصل خطرہ ایران نہیں بلکہ اسرائیل ہے، عمانی وزیر خارجہ
دوسری جانب صدر مملکت ڈاکٹر مسعود پزشکیان نے اپنے ایک سوشل میڈیا پیغام میں ایران کے جنوبی خطے کے عوام کو وفادار اور بااستقامت قرار دیتے ہوئے ان کی قدردانی کی ہے۔
ڈاکٹر مسعود پزشکیان نے ایران کے جنوبی خطے پر امریکی جارحیت کے مقابلے میں اس خطے کے عوام کی استقامت اور وفاداری کو سراہتے ہوئے کہا کہ تاریخ اس بات کی گواہ ہے کہ ایران کے جنوبی علاقوں کے شہری ہمیشہ استعمار کے مقابلے میں مزاحمت کی علامت اور ملک کی خودمختاری کے محافظ رہے ہیں۔
انہوں نے لکھا کہ آج بھی یہ باوقار شہری دشمن کی جارحیت کے مقابلے میں صبر، استقامت اور پامردی کا مظاہرہ کر رہے ہیں۔
صدر مسعود پزشکیان نے ایران کے جنوبی خطے کی عوام کی قدردانی کرتے ہوئے ان کے شانہ بشانہ کھڑے رہنے کا اعادہ کیا۔
انہوں نے اپنے پیغام کے آخر میں لکھا کہ پورا ایران میرا گھر ہے۔
The post غیر مہذب الفاظ کے وہ خود مستحق ہیں، ایرانی قوم نہیں، ٹرمپ کے بیانات پر صدر ایران کا ردعمل appeared first on شیعہ نیوز پاکستان.
