فیصل آباد پندرہ سالہ شعیب کے قتل اور جنسی زیادتی کا معمہ حل ،قاتل مدرسے کا استاد اور کالعدم سپاہ صحابہ کا رہنما نکلا

شیعہ نیوز: فیصل آباد پندرہ سالہ شعیب کے قتل کا معمہ حل ۔مدرسے میں دینی تعلیم حاصل کرنے والے شعیب کو اس کے استاد قاری رفاقت علی نے اپنے دو ساتھیوں کی مدد سے قتل کر دیا ۔قاری رفاقت کافی عرصہ سے شعیب سمیت مدرسے کے کئی طالب علموں سے بدفعلی کا مرتکب ہو رہا تھا ۔قاری نے اس ڈر سے کہ شعیب اس کی گھناونی حرکتوں کا پردہ چاک نہ کر دے شعیب کو قتل کر دیا ۔

تفصیلات کےمطابق ایک اندھے قتل کاکیس بلآخر اپنے انجام ہوپہنچ گیا، فیصل آباد میں ملک دشمن کالعدم دہشت گرد تنظیم سپاہ صحابہ /لشکر جھنگوی کے زیر انتظام چلنے والے ایک اور نام نہاد دینی مدرسے میں ایک اور قرآن پاک کا طالب علم اپنے وحشی درندے استاد کی جنسی بربریت کا شکار ہوکر موت کے منہ تک جاپہنچا۔

یہ بھی پڑھیں : کالعدم سپاہ صحابہ کے مولوی کے ہاتھوں ایک اورمعصوم قاری قرآن بچی کی8 روز تک آبروریزی کا دلخراش واقعہ

ذرائع کے مطابق فیصل آباد کی ڈی ٹائپ کالونی کے ایک مدرسے کے قاری رفاقت نے بدفعلی کرنے کے بعد راز فاش ہونے کی ڈر سے 15 سالہ حفظ کرنے والےاپنے طالب علم شعیب کو دو ساتھیوں ریحان اور عرفان کے ساتھ ملکر گلا د با کر قتل کردیاتھا۔

پولیس حکام کے مطابق مقتول شعیب کی لاش ایک نالے سے برآمد ہونے پر تحقیقات کاآغاز ہوا تو معاملہ خود باخود حل ہوتا چلا گیا اور تفتیش کے دائرے میں ملزمان بھی آگئے ، شعیب کے قاتل قاری رفاقت اور اس کے ساتھیوں ریحان اور عرفان کو پولیس نے گرفتار کرلیا ہے ۔

پولیس حکام کے مطابق جنسی زیادتی اور قتل کی دفعات کے ساتھ مقدمہ درج کرکے قانونی کاروائی کاآغاز کردیا گیا، پولیس ملزمان کو قرار واقعی سزا دلوانے میں کوئی کسر نہیں چھوڑے گی۔

The post فیصل آباد پندرہ سالہ شعیب کے قتل اور جنسی زیادتی کا معمہ حل ،قاتل مدرسے کا استاد اور کالعدم سپاہ صحابہ کا رہنما نکلا appeared first on شیعہ نیوز پاکستان.

​