شیعہ نیوز: ملک کو اس وقت شدید انارکی اور فرقہ وارانہ فسادات کی طرف لیجانےکی کوشش زور وشور سے جاری ہے، محرم الحرام کا آغاز ہوتے ہی ایک جانب اہل بیت اطہار علیہم السلام اور انصار ان اہل بیتؑ کے خلاف توہین آمیز مہم میں تیزی آئی اور اب اہل تشیع کے معتدل اورمکرم علمائے کرام کے خلاف توہین صحابہ کے جھوٹے مقدمات کے اندراج کا سلسلہ شروع کردیا گیا ہے۔ اس پوری سازش کے پیچھے ملک دشمن دہشت گرد تنظیم کالعدم سپاہ صحابہ /لشکرجھنگوی اور تحریک لبیک کے کارندے ملوث ہیں۔
ایسا ہی ایک افسوس ناک اور قابل مذمت واقعہ سندھ کے سکرنڈ شہر میں پیش آیا جہاں انتہائی معزز، ہر دلعزیز علمی و سماجی شخصیت، اور مدیر اعلیٰ مدرسہ جامعۃ المرتضیٰ قبلہ مولانا دلدار حسین مطہری کے خلاف توہینِ صحابہ کے جھوٹے، من گھڑت اور بے بنیاد الزامات کے تحت ایف آئی آر درج کرلی گئی ہے ۔
ملت جعفریہ نے مولانا دلدارحسین مطہری کے خلاف درج کی جانے والی ایف آئی آر (FIR) پر شدید غم و غصے کا اظہار کرتے ہوئے کہا کہ اس سازش کی پُرزور الفاظ میں مذمت کی جاتی ہے۔قبلہ مولانا دلدار حسین مطہری صاحب کی ذاتِ گرامی کسی تعارف کی محتاج نہیں ہے۔
یہ بھی پڑھیں : کالعدم سپاہ صحابہ کے مولوی کے ہاتھوں ایک اورمعصوم قاری قرآن بچی کی8 روز تک آبروریزی کا دلخراش واقعہ
مولانا دلدار حسین مطہری نے ہمیشہ سکرنڈ اور سندھ بھر میں علم کی شمع روشن کی ہے، اور آپ کا ادارہ جامعۃ المرتضیٰ محبت، امن اور اسلامی اقدار کا گہوارہ رہا ہے۔ ایسی غیر متنازع اور معزز شخصیت پر سستی شہرت، ذاتی عناد یا مسلکی منافرت کی بنیاد پر سنگین الزامات عائد کرنا انتہائی شرمناک اور افسوسناک عمل ہے۔
کالعدم سپاہ صحابہ /لشکر جھنگوی مسلسل سندھ کے امن وامان کو تباہ کرنےپر تلی ہوئی ہے لیکن افسوس اسے بعض ریاستی اداروں میں موجود کالی بھیڑوں کی مکمل آشیرباد اور پشت پناہی حاصل ہے۔
The post مدیر اعلیٰ مدرسہ جامعۃ المرتضیٰ مولانا دلدار حسین مطہری کےخلاف توہین صحابہ کا جھوٹا مقدمہ درج appeared first on شیعہ نیوز پاکستان.
