شیعہ نیوز: سپاہ قدس کے کمانڈر نے کہا ہے کہ حزب اللہ اور دیگر مزاحمتی گروہوں کی بڑھتی ہوئی دفاعی طاقت ہم آہنگی کی وجہ سے صہیونی مقاصد ناکامی ہوئے ہیں۔
رپورٹ کے مطابق سپاہ پاسداران انقلاب اسلامی کی قدس فورس کے کمانڈر بریگیڈیئر جنرل اسماعیل قاآنی نے کہا ہے کہ مزاحمتی محاذ آج پہلے سے کہیں زیادہ طاقتور اور منظم ہوچکا ہے اور اس کے تمام اجزا ایک مضبوط اتحاد کی شکل اختیار کر چکے ہیں۔
یہ بھی پڑھیں : غزہ کا ظالمانہ محاصرہ توڑنے کے لیے گلوبل صمود فلوٹیلا کا مشن ربیع سنہ 2026ء صقلیہ سے روانہ
جنرل قاآنی نے سوشل میڈیا پلیٹ فارم ایکس پر جاری پیغام میں کہا کہ موجودہ صورتحال میں دنیا کی توجہ حزب اللہ اور مزاحمتی محاذ کے دیگر اہم حصوں پر مرکوز ہے، جو میدان میں دشمن کے عزائم کو ناکام بنانے میں فیصلہ کن کردار ادا کر رہے ہیں۔
انہوں نے مزید کہا کہ تاریخ اس حقیقت کی گواہ ہے کہ صہیونی حکومت گزشتہ کئی دہائیوں کے دوران اپنے مقاصد حاصل کرنے میں ناکام رہی ہے، اور اب بھی جنوبی لبنان میں اسے شکست و ناکامی کے سوا کچھ حاصل نہیں ہوگا۔
سپاہ قدس کے کمانڈر نے اس یقین کا اظہار کیا کہ صہیونی حکومت کا مستقبل تاریک ہے اور مزاحمت کی قوت، اتحاد اور استقامت کے سامنے اس کے تمام منصوبے خاک میں ملتے رہیں گے۔
The post مزاحمتی محاذ پہلے سے زیادہ مضبوط اور متحد ہے، جنرل اسماعیل قاآنی appeared first on شیعہ نیوز پاکستان.
