شیعہ نیوز: معروف سوز خواں اور نعت خواں سید ابرار حسین فتحپوری رضائے الٰہی سے انتقال کر گئے۔ مرحوم گزشتہ کئی دنوں سے علیل تھے اور اسپتال میں زیرِ علاج تھے۔
مرحوم کی نمازِ جنازہ 14 محرم الحرام، بروز منگل کو انچولی امام بارگاہ میں ادا کی گئی، جس میں عزیز و اقارب، اہلِ محلہ، علماء، ذاکرین اور عقیدت مندوں کی بڑی تعداد نے شرکت کی۔
سید ابرار حسین فتحپوری سوز خوانی کی دنیا کا ایک معتبر اور باوقار نام تھے۔ انہوں نے اپنی پُرسوز آواز اور منفرد اندازِ بیان سے مجالسِ عزا میں اہلِ بیتؑ کی محبت کو فروغ دیا۔ سوز خوانی کے ساتھ ساتھ نعت خوانی کے میدان میں بھی ان کی خدمات کو قدر کی نگاہ سے دیکھا جاتا تھا۔
یہ بھی پڑھیں : ہر قسم کی رعایت اب ختم ، وفاقی حکومت نے غیرقانونی طور پر مقیم افغان شہریوں کی گرفتاری کا فیصلہ کرلیا
ان کے انتقال کی خبر پر مذہبی و سماجی حلقوں میں گہرے رنج و غم کا اظہار کیا جا رہا ہے، جبکہ عقیدت مند مرحوم کی مغفرت، درجات کی بلندی اور لواحقین کے لیے صبر جمیل کی دعا کر رہے ہیں۔
The post معروف سوز خواں سید ابرار حسین فتحپوری انتقال کر گئے appeared first on شیعہ نیوز پاکستان.
