شیعہ نیوز: معرکۂ حق میں پاکستان کی تاریخی کامیابی کو ایک سال مکمل ہونے پر جامعہ عروۃ الوثقیٰ لاہور کے طلاب نے واہگہ بارڈر پر پُروقار اظہار یکجہتی، پاک فوج کی شاندار فتح، بھارت کی ذلت آمیز ناکامی اور افواجِ پاکستان کی بے مثال جرأت و شجاعت کو خراجِ تحسین پیش کیا۔ طلبہ کے وفد نے ایران کی جنگ کے خاتمے کے لیے پاکستان کی مؤثر ثالثی و امن کوششوں کی بھی بھرپور انداز میں تحسین کی۔ طلبہ وفد کی قیادت پرنسپل جامعہ عروۃ الوثقیٰ علامہ توقیر عباس نے کی۔ ناظم اعلی جامعہ عروہ الوثقی مولانا ناصر المہدی سمیت دیگر علماء بھی ہمراہ تھے۔
اس موقع پر خصوصی گفتگو میں علامہ توقیر عباس کا کہنا تھا کہ پاکستان کی طرف میلی آنکھ سے دیکھنے والے دشمنوں کو ہمیشہ دندان شکن جواب دے گا۔ فیلڈ مارشل جنرل عاصم منیر کی قیادت میں پاک فوج دنیا کی بہترین فوج ہے۔ انہوں نے کہا کہ پاکستان کی جانب سے مشرق وسطیٰ میں جنگ رکوانے میں کردار نے پوری دنیا میں پاکستان کا وقار بلند کیا ہے اور ان شاء اللہ بہت جلد پاکستان دنیا کے امن پسند ملکوں میں صف اول میں ہوگا۔ انہوں نے کہا کہ بھارت دنیا میں تنہا ہو رہا ہے، بھارتی کی دہشتگردانہ پالیسیوں اور مودی کی شدت پسندی نے بھارت کو تنہا کر دیا ہے۔
یہ بھی پڑھیں : وزیر اعلیٰ خیبرپختونخواہ سہیل آفریدی کی سینیٹرعلامہ راجہ ناصرعباس اور محموداچکزئی سے اہم ملاقات
علامہ توقیر عباس کا مزید کہنا تھا کہ پوری قوم اپنی مسلح افواج کے شانہ بشانہ کھڑی ہے اور بھارت سمیت پاکستان کے ہر دشمن پر واضح کرتے ہیں کہ پاکستان کا دفاع مضبوط ترین ہاتھوں میں ہے، پاکستان کیخلاف جارحیت کرنیوالوں کو تاریخی سبق سکھایا جائے گا۔ طلبہ نے واہگہ بارڈر پر رینجرز کی پریڈ اور پرچم اتارنے کی تقریب میں بھی شرکت کی، پاکستان اور پاک فوج کے حق میں نعرے لگائے۔ اس موقع پر دیگر مذہبی جماعتوں اور مختلف مذاہب سے تعلق رکھنے والی شخٰصیات بھی موجود تھیں۔
The post معرکہ حق کی پہلی سالگرہ، جامعہ عروۃ الوثقیٰ کے طلاب کا واہگہ بارڈ کا دورہ،پاک فوج سے اظہاریکجہتی appeared first on شیعہ نیوز پاکستان.
