شیعہ نیوز: اردن، بحرین اور کویت نے اطلاع دی ہے کہ امریکا کی جانب سے مسلسل 13 ویں روز حملوں کے بعد ایران نے بھی جوابی کارروائی تیز کرتے ہوئے میزائل اور ڈرون حملے کیے ہیں۔
الجزیرہ کی رپورٹ کے مطابق ایران کی جانب سے گلف ممالک پر کیے گئے ان تازہ حملوں میں کویت کی عراق سے ملحق العبدلی سرحدی گزرگاہ کو بھی نشانہ بنایا گیا ہے۔
ایرانی صدر کے دفتر کے سربراہِ پروٹوکول عباس موسوی نے امریکی وزیرِ خارجہ مارکو روبیو کے بیان پر سخت ردِعمل دیتے ہوئے خبردار کیا ہے کہ آئندہ جواب ’آنکھ کے بدلے آنکھ‘ یا ’سر کے بدلے سر‘ نہیں بلکہ ’ایک آنکھ کے بدلے تمہارا پورا جسم‘ ہو گا۔
یہ بیان اس وقت سامنے آیا ہے جب مارکو روبیو نے کہا تھا کہ اگر ایران نے امریکا کو نشانہ بنایا تو واشنگٹن اس کے جواب میں پہلے سے زیادہ سخت فوجی کارروائی کرے گا۔
یہ بھی پڑھیں : دینی مدرسوں میں کمسن طلباء سے زیادتیوں کا سلسلہ تھم نہ سکا,مساجد کی بیحرمتی پر فضل الرحمان کی خاموشی معنی خیز ہے
واضح رہے کہ گزشتہ روز امریکی صدر ڈونلڈ ٹرمپ نے بھی ایران پر ’پہلے سے کہیں زیادہ بڑی‘ فوجی کارروائی کرنے کا عندیہ دیتے ہوئے کہا تھا کہ ہم اس حوالے سے فیصلہ کرنے کے قریب ہیں۔
دوسری جانب امریکی وزیرِ خارجہ مارکو روبیو نے فلپائن کے دارالحکومت منیلا میں آسیان اجلاس کے موقع پر کہا کہ ایران معاہدہ کرنا چاہتا ہے لیکن ایران ہماری شرائط پر عمل کرنے کے لیے تیار نہیں۔
ایران کی پاسدارانِ انقلاب نے مارکو روبیو کے اس بیان کے بعد دعویٰ کیا تھا کہ آبنائے ہرمز میں ایک آئل ٹینکر آگ کی لپیٹ میں آ گیا ہے۔
ایران کا کہنا ہے کہ ہم پہلے ہی واضح کر چکے ہیں کہ کسی بھی حملے کا جواب ’جیسا حملہ ویسا جواب‘ کی پالیسی کے تحت دیں گے.
The post ٹرمپ کی ایران کیخلاف تاریخ کی سب سے بڑی کارروائی کی دھمکی، تہران نے ’پورے جسم‘ کو نشانہ بنانے کی وارننگ دیدی appeared first on شیعہ نیوز پاکستان.
