شیعہ نیوز: پاکستان تحریک انصاف کے منحرف سابق اسپیکراسمبلی اور وزیر تعمیرات حکومت گلگت بلتستان سید امجد زیدی نےاسلامی تحریک پاکستان میں شمولیت اختیار کرلی، انہوں نے راولپنڈی میں سربراہ اسلامی تحریک پاکستان علامہ سید ساجد علی نقوی سے ملاقات کی۔
علامہ ساجد علی نقوی نے پارٹی میں شامل ہونے والے سید امجد زیدی کو پھولوں کے ہار پہنچا کر جماعت میں خوش آمدید کہا، اس موقع پر پارٹی کے مرکزی سیکریٹری اطلاعات زاہد علی اخونزادہ ، ڈپٹی سیکریٹری اطلاعات سکندر عباس گیلانی اور دیگر بھی موجود تھے۔
یہ بھی پڑھیں : مادروطن کا دفاع زندہ قوموں کا فریضہ، آپریشن بنیان مرصوص دشمن کو تاریخی جواب ہے،علامہ ساجد نقوی
دوسری جانب اسی حلقہ کھرمنگ سے ایک پڑھے لکھے اور قابل نوجوان ڈاکٹر شجاعت میثم بھی متوقع امیدوار کے طور پر دیکھے جارہے تھے اور ان کی باقائدہ پریس کانفرنس کے ذریعے اسلامی تحریک میں شمولیت بھی متوقع تھی لیکن امجدزیدی کی شمولیت سےانہیں بڑا دھچکا پہنچا ہے۔
بعض ذرائع کا کہنا ہے کہ ڈاکٹر شجاعت میثم نے امجد زیدی کی اسلامی تحریک میں شمولیت کے بعد دلبرداشتہ ہوکر اب آزاد حیثیت میں الیکشن لڑنے کا فیصلہ کیا ہے۔
The post پی ٹی آئی کے منحرف سابق اسپیکر جی بی اسمبلی امجد زیدی اسلامی تحریک پاکستان میں شامل appeared first on شیعہ نیوز پاکستان.
