شیعہ نیوز: ایران کی مسلح افواج کے سربراہ میجر جنرل عبدالرحیم موسوی نے کہا کہ امریکہ کے رویئے ہمیں اپنی حکمت عملی بدلنے پر مجبور کردیا ہے اور دشمن نے کوئی غلطی کی تو بھاری نقصان پہنچائیں گے۔
رپورٹ کے مطابق مسلح افواج کے سربراہ میجر جنرل عبدالرحیم موسوی نے یہ بات منگل کو تہران میں آرمینیا کے وزیر دفاع سورین پاپیکیان سے گفتگو کرتے ہوئے کہی۔
انہوں نے بیرونی طاقتوں کو موجودگی کو خطے کے عوام کے مفادات کے منافی اور علاقائی سلامتی کے خطرہ قرار دیتے ہوئے کہا کہ دنیا یونی پولرازم سے ملٹی پولر ازم کی جانب جارہی ہے جو امریکہ کو کسی طور برداشت نہیں۔
یہ بھی پڑھیں : سفارت کاری سے سب کو فائدہ ہوگا، جنگ بہت بڑا جوا ہے، مجید تخت روانچی
میجر جنرل عبدالرحیم موسوی نے کہا کہ دنیا میں یونی پولرازم کا خاتمہ ناگزیر ہے لیکن امریکہ ناجائز اور غیر قانونی ہتھکنڈوں کے ذریعے دنیا پر اپنی بالادستی اور تسلط باقی رکھنے کی ناکام کوشش کر رہا ہے۔
ایران کی مسلح افواج کے سربراہ نے کہا کہ تاریخ گواہ ہے کہ ہم نے کبھی کوئی جنگ شروع نہیں اور ہماری کوشش رہی ہے کہ جنگ کا دائرہ پھیلنے سے روکا جائے لیکن امریکی رویئے ہمیں اپنی حکمت عملی بدلنے پر مجبور کردیا ہے۔
انہوں نے خبر دار کیا کہ اس بار اگر امریکہ نے کوئی غلطی کی تو ہم دشمن کو بھاری جانی نقصان سے دوچار کریں گے اور ہماری قوم اور مسلح افواج آخری دم تک تسلط پسندی کے خلاف جنگ کرتی رہے گی۔
The post کسی بھی غلطی کی صورت میں دشمن کو بھاری نقصان اٹھانا پڑے گا، میجر جنرل موسوی appeared first on شیعہ نیوز پاکستان.
