حوزہ/ جامعہ امام جعفر صادقؑ، جونپور کے مدیر اور صدر امام بارگاہ، حجۃ الاسلام و المسلمین سید صفدر حسین زیدی نے اپنے مضمون میں قیادت کے تسلسل کو مکتبِ اہل بیتؑ کی تاریخی بصیرت اور استقامت کی علامت قرار دیتے ہوئے لکھا ہے کہ رہبر انقلاب اسلامی آیت اللہ سید علی خامنہ ای کی شہادت کے بعد آیت اللہ سید مجتبیٰ خامنہ ای کا انتخاب اس بات کا مظہر ہے کہ شخصیات کی شہادت سے نظریات اور تحریکوں کو ختم نہیں کیا جا سکتا۔ ان کے مطابق تاریخ گواہ ہے کہ حق کی قیادت کا تسلسل دشمنوں کی سازشوں کو ناکام بنانے میں اہم کردار ادا کرتا ہے۔
