شیعہ نیوز: فلسطینی عوام پر صیہونیوں کے بڑھتے تشدد پر اب بے شرم یورپی ممالک کو بھی (بظاہر) شرم آنے لگی ہے اور انہوں نے اس تشدد کو روکنے کا مطالبہ کیا ہے۔
رپورٹ کے مطابق فرانس، برطانیہ، جرمنی اور اٹلی کے وزرائے خارجہ نے مطالبہ کیا ہے کہ فلسیطینیوں پر ہونے والا تشدد بند ہونا چاہئے۔
فرانس، برطانیہ، جرمنی اور اٹلی نے ایک مشترکہ بیان جاری کرکے مقبوضہ مغربی کنارے میں فلسطینی شہریوں کے خلاف اسرائیلی آبادکاروں کے بڑھتے ہوئے تشدد کی سخت مذمت کی ہے اور اسے خطے میں عدم استحکام کا باعث اور سلامتی کی کوششوں کے لئے خطرہ قرار دیا ہے۔
یہ بھی پڑھیں : اقوام متحدہ کی شام کی سرزمین پر اسرائیلی جارحیت کی مذمت
مذکورہ چاروں ممالک کے وزرائے خارجہ نے مشترکہ بیان میں اقوام متحدہ کے اعداد و شمار کا حوالہ دیتے ہوئے کہا ہے کہ حالیہ ہفتوں میں اسرائیلی آبادکاروں کے حملوں میں نمایاں اضافہ ہوا ہے۔
بیان میں کہا گیا ہے کہ اقوام متحدہ کے دفتر برائے ہم آہنگیِ انسانی امور (او سی ایچ اے) کے مطابق صرف اکتوبر میں فلسطینیوں کے خلاف صیہونی آبادکاروں کے 264 حملے ریکارڈ کئے گئے جو 2006 کے بعد سے ایک ماہ میں سب سے زیادہ تعداد ہے۔
فرانس، برطانیہ، جرمنی اور اٹلی کے وزرائے خارجہ نے کہا کہ یہ حملے بند ہونے چاہئیں اور خبردار کیا کہ یہ تشدد نہ صرف شہریوں میں خوف پیدا کررہا ہے بلکہ امن کی کوششوں کے لئے بھی خطرات پیدا کر رہا ہے۔
انہوں نے اسرائیلی حکومت پر زور دیا کہ وہ بین الاقوامی قانون کے تحت اپنی ذمہ داریاں پوری کرے اور مقبوضہ علاقوں میں فلسطینیوں کے تحفظ کو یقینی بنائے۔
واضح رہے کہ فلسطینی عوام کے خلاف غاصب صیہونی فوج کے ساتھ ساتھ صیہونی آباد کاروں کی جانب سے بھی مسلسل حملے کئے جاتے رہے ہیں۔ ان حملوں میں فلسطینیوں کی زرعی اراضی کو بھی بڑے پیمانے پر نقصان پہنچایا جاتا ہے۔
The post یورپی ممالک کو بھی اب فلسطینی عوام پر صیہونیوں کے تشدد پر شرم آنے لگی appeared first on شیعہ نیوز پاکستان.
