شیعہ نیوز: یو اے ای سے شیعہ افراد کی جبری بے دخلی پر وزارت داخلہ کے موقف کو علامہ شہنشاہ حسین نقوی نے مکمل طور پر رد کردیا ۔
ایئر پورٹ پر علامہ شہنشاہ حسین نقوی نے گفتگو کرتے ہوئے کہا کہ پاکستان بھر کے ائیرپورٹ پر ایف آئی کے پاس تمام ریکارڈ موجود ہے کہ کن کن ناموں کے لوگوں کا ویزہ کینسل کرکے ان کو ڈی پورٹ کیا گیا ہے ۔
جن لوگوں کے ویزے کینسل کئے گئے ہیں کہ ان کے نام علی ،حیدر ،کاظم ، رضا ، غازی تھے اس میں شیعہ سنی کی تفریق نہیں کی گئی بلکہ ان ناموں کو نشانہ بنایا گیا ہے ۔
علامہ نے کہا کہ جن کو بے دخل کیا گیا تھا وہ پاکستانی ٹیلنٹ تھا ،ان میں سے سینکڑوں لوگ بھاری سیلری لے رہے تھے ، گولڈن ویزہ تھا ، بیس بیس سال سے وہاں مقیم تھے ان کا بھی اچانک سے ویزہ کینسل کرکے ڈی پورٹ کردیا گیا ، جس جرم میں کیا گیا ہے وہ سب کو پتا ہے ۔
یہ بھی پڑھیں : ظلم کے خلاف جدوجہد ہماری تاریخ کا روشن باب ہے، صدر پزشکیان
انھوں نے مزید کہا کہ حکومت کا بیان اچھا ہے مگر اس میں حقیقت نہیں ، ریاست کی مجبوری ہوتی ہے کہ وہ ایسے ہی بیان دیں ۔
علامہ شہنشاہ حسین نقوی نے وزیراعظم پاکستان شہباز شریف ، فیلڈ مارشل سید عاصم منیر اور وزیر خارجہ اسحاق ڈار سے مطالبہ کرتے ہوئے کہا کہ اس معاملہ کا فوری طور پر نوٹس لیا جائے اور ذمہ داروں کو مطلع کیا جائے کہ اب تک کی کیا پیشرفت ہے ۔
The post یو اے ای سے شیعہ افراد کی جبری بے دخلی ، علامہ شہنشاہ نقوی کا واضح اور شدید ردعمل سامنے آگیا appeared first on شیعہ نیوز پاکستان.
