شیعہ نیوز: کراچی ڈیفنس فیز 6 کے علاقے صبا ایونیو میں واقع امام بارگاہ بقیتک اللہ کے حفاظتی حصار کو توڑتے ہوئے ایک تیز رفتار گاڑی اندر گھس گئی، جس کے نتیجے میں 20 افراد زخمی ہوگئے۔
پولیس اور ریسکیو ذرائع کے مطابق زخمیوں میں 3 خواتین بھی شامل ہیں، جبکہ بعض افراد کی حالت تشویشناک بتائی جا رہی ہے۔ زخمیوں کو فوری طور پر قریبی اسپتال منتقل کر دیا گیا جہاں انہیں طبی امداد فراہم کی جا رہی ہے۔
ابتدائی تحقیقات کے مطابق گاڑی کا ڈرائیور مبینہ طور پر نشے کی حالت میں تھا اور گاڑی تیز رفتاری سے چلائی جا رہی تھی۔ حکام کا کہنا ہے کہ حادثے کی ایک وجہ بریک فیل ہونا بھی بتائی جا رہی ہے، تاہم تمام پہلوؤں سے تحقیقات جاری ہیں۔
یہ بھی پڑھیں : 92 فیصد اسرائیلیوں کا خیال ہے ایران جنگ کے بعد فاتح بن کر سامنے آیا ہے: سروے
واقعے کے بعد پولیس نے کارروائی کرتے ہوئے 3 ملزمان کو گرفتار کر لیا ہے۔ قانون نافذ کرنے والے اداروں نے جائے وقوعہ کا معائنہ کیا اور شواہد اکٹھے کر لیے ہیں۔
آئی جی سندھ، وزیراعلیٰ سندھ اور دیگر اعلیٰ حکام نے واقعے کا سخت نوٹس لیتے ہوئے رپورٹ طلب کر لی ہے۔ حکام کے مطابق امام بارگاہوں اور حساس مقامات پر سیکیورٹی اقدامات مزید سخت کیے جا رہے ہیں۔
The post کراچی : امام بارگاہ بقیتہ اللہ کے حفاظتی حصار میں گاڑی گھس گئی، 20 عزادار زخمی appeared first on شیعہ نیوز پاکستان.
