شیعہ نیوز : گلگت بلتستان اسمبلی کے نومنتخب اراکین نے اپنے عہدوں کا حلف اٹھا لیا اور خطے میں حکومت سازی اپنی تکمیل کی جانب گامزن ہے۔ حلف برداری کے بعد ایوان سے اپنے پہلے خطاب میں مسلسل دوسری مرتبہ منتخب ہونے والے مجلس وحدت مسلمین کے رکن اسمبلی اور سابق اپوزیشن لیڈر محمد کاظم میثم نے کہا کہ اسمبلی میں صرف دو ارکان ہی اپوزیشن میں رہ گئے ہیں۔ تاہم اگر حکومت نے اس خطے کیلئے ایک قدم بھی بڑھایا تو ہم دس قدم آگے بڑھانے کو تیار ہیں۔
یہ بھی پڑھیں : ایرانی صدر ڈاکٹر مسعود پزشکیان کا ایک روزہ دورہ پاکستان، شاندار استقبال ، اعلیٰ پاکستانی قیادت سے ملاقات
ان کا کہنا تھا کہ پی پی حکومت بنا رہی ہے اور نون لیگ بھی حکومت کی اتحادی ہے تو ایسے میں خطے کے آئینی حقوق کیلئے مزید موثر قدم اٹھانا چاہیے۔ انہوں نے اپنے خطاب میں ایم ڈبلیو ایم پاکستان کے سربراہ سینیٹر راجہ ناصر عباس جعفری اور صوبائی صدر سید علی رضوی کی خدمات کو بھی بھرپور خراج تحسین پیش کیا۔
The post ایم ڈبلیوایم کےنومنتخب رکن گلگت بلتستان اسمبلی محمد کاظم میثم نے حلف اٹھا لیا appeared first on شیعہ نیوز پاکستان.
